កម្ពុជាឈរលំដាប់លេខ៨ ជាមួយនឹងមេដាយ២១គ្រឿង

​ភ្នំពេញ៖គិតត្រឹមថ្ងៃនេះក្នុងព្រឹត្តិការណ៍នៃការប្រកួត កីឡានិស្សិតសាកលវិទ្យាល័យ អាស៊ានលើកទី១៩ដែលកំពុងធ្វើនៅទីក្រុង Nay Pyitawប្រទេសមីយ៉ាន់ម៉ានោះកម្ពុជា ឈរនៅចំណាត់ថ្នាក់លេខ៨ជាបណ្ដោះអាសន្ន ។
​កម្ពុជាមានមេដាយចំនួន២១គ្រឿងដែលក្នុងនោះមេដាយុមាស ចំនួន៣គ្រឿង មេដាយប្រាក់ចំនួន៧គ្រឿង និងមេដាយសំរិទ្ធចំនួន១១គ្រឿង ។

ប្រភេទកីឡាវ៉ូវីណាមរួមមានកីឡាករ ទិន ឌិនវិញ្ញាសាប្រយុទ្ធទម្ងន់៥១គីឡូក្រាម ដណ្ដើមបានបានមេដាយមាស ១ គ្រឿង កីឡាករ ជិន ពិសិដ្ន និងម៉េត សុភក្រ្តា វិញ្ញាសាមេគុណកាំបិតធំ ទទួលបាន មេដាយមាស ១ គ្រឿង កីឡាករ ម៉េត សារី ស៊ិន សេងហុង ទី នីហ្សា នឹង ទិន ភាព វិញ្ញាសាសំដែង ទទួលបាន មេដាយ ប្រាក់ ១ និងគ្រឿង កីឡាការិនី សុខ សុភី វិញ្ញាសា មេគុណនារីឯក្តជន ទទួលបាន មេដាយ សំរឹទ្ធិ ១ គ្រឿង។

កីឡាការិនី ហ៊ឹម ដាណេ វិញ្ញាសា ប្រយុទ្ធទម្ងន់ ៥១ គីឡូក្រាម ទទួលបាន មេដាយ សំរឹទ្ធិ ១ គ្រឿង កីឡាករ ណុត ណាន់ វិញ្ញាសា ប្រយុទ្ធទម្ងន់ ៦០គីឡូក្រាមទទួលបាន មេដាយ សំរឹទ្ធិ ១ គ្រឿង កីឡាករ ទិន ភាព វិញ្ញាសាប្រយុទ្ធ ទម្ងន់៥៧ គីឡូក្រាមទទួលបាន មេដាយមាស ១ គ្រឿង។ កីឡាករ ម៉េត សារី- ស៊ិន សេងហុង-ទី នីហ្សា – នុត ណាន់ វិញ្ញាសា ស្នៀតការពារ ទទួលបាន មេដាយប្រាក់ ១ គ្រឿង និងកីឡាការិនី ពៅ សុខា វិញ្ញាសា មេគុណដាវ ទទួលបាន មេដាយ សំរឹទ្ធិ ១ គ្រឿង ។

កីឡាការិនី អេ ព្រីយ៉ានុត ភូថង វិញ្ញាសាប្រយុទ្ធទម្ងន់ ៥៧ គីឡូក្រាមទទួលបាន មេដាយសំរឹទ្ធិ ១ គ្រឿង កីឡាករ អ៊ឹម លាំងឈុង វិញ្ញាសា មេគុណឯកត្តជន ទទួលបាន មេដាយ សំរឹទ្ធិ ១ គ្រឿង និងកីឡាករ ម៉េត សុភក្រ្តា នឹងកីឡាការិនី ឃន ចាន់សុភ័ក្រនាថ វិញ្ញាសា ស្នៀតការពារខ្លួននារី ទទួលបាន មេដាយ សំរឹទ្ធិ ១ គ្រឿង។

ប្រភេទកីឡាប៉េតង់ វិញ្ញាម្នាក់ទល់ម្នាក់បរុស កីឡាករ អៀត សុផាត ទទួលបានមេដាយសំរឹទ្ធិ ១ គ្រឿង វិញ្ញាម្នាក់ទល់ម្នាក់នារី កីឡាការិនី ស្រ៊ាង សុរ៉ាឃីម ទទួលបាន មេដាយ ប្រាក់ ១ គ្រឿង វិញ្ញាសាវាយកពិន្ទុ បុរស កីឡាករ ស៊ីន វង ទទួលបាន មេដាយប្រាក់ ១ គ្រឿង វិញ្ញាសា ៣ នាក់ ទល់ ៣ នាក់ បុរស៖ កីឡាករ ស៊ីវ សុផានីត្រា អៀត សុផាត គុំ វាសនា និងឈុត សុផាត ទទួលបាន មេដាយ ប្រាក់ ១ គ្រឿង។ វិញ្ញាសា ៣ នាក់ ទល់ ៣ នាក់ នារី៖កីឡាការិនី ស៊្រាង សុរ៉ាឃីម ឃួន យ៉ារី ស៊ុន គុន្ធា និងវង ចន្ថា ទទួលបាន មេដាយប្រាក់ ១គ្រឿង

កីឡាវាយកូនឃ្លីលើតុ៖ វិញ្ញាសាវាយទោលបុរស កីឡាករ សឹង តុលា ទទួលបាន មេដាយ ប្រាក់ ១ គ្រឿង ហើយការ៉ាតេដូ៖ កីឡាការិនី ឆន ស្រីភា វិញ្ញាសាប្រយុទ្ធឯកត្តជននារីទម្ងន់ ៥០គីឡូក្រាម ចុះ ទទួលបាន មេដាយសំរឹទ្ធិ ១ គ្រឿង កីឡាករ លី រតនៈសម្បត្តិ វិញ្ញាសាប្រយុទ្ធឯកត្តជនបុរសទម្ងន់ ៦៧ គ ចុះ ទទួលបាន មេដាយសំរឹទ្ធិ ១ គ្រឿងកីឡាករ កាក់ សីលាបញ្ញា វិញ្ញាសាប្រយុទ្ធឯកត្តជនបុរសទម្ងន់៧៥ គ ចុះក្រោម ទទួលបាន មេដាយសំរឹទ្ធិ ១ គ្រឿង។

ពេលនេះប្រទេសថៃមានមេដាយនាំមុខគេគឺមាស៥៥ ប្រាក់៥០សំរិទ្ធ៣៥ ។ឥណ្ឌូនេស៊ីចំណាត់ថ្នាក់លេខ ២ដែលមានមេដាយមាស៤១ ប្រាក់៣៤ សំរិទ្ធ២៧ ។ចំណាត់ថ្នាក់លេខ៣ម៉ាឡេស៊ីមេដាយមាស៣៤ប្រាក់៤២សំរិទ្ធ៤៣ ។ចំណាត់ថ្នាក់លេខ៤ម្ចាស់ផ្ទះមីយ៉ាន់ម៉ា ដែលមាន មេដាយមាស២៤ប្រាក់២២សំរិទ្ធ២៥ ។វៀតណាមចំណាត់
ថ្នាក់លេខ៥ដែលមានមេដាយមាស១៤ប្រាក់៧សំរិទ្ធ៦ ។ឡាវចំណាត់ថ្នាក់លេខ៦ជាមួយនឹងមេដាយមាស៦ប្រាក់៨សំរិទ្ធ១០ ។សឹង្ហបូរីចំណាត់ថ្នាក់៧ជាមួយនឹងមេដាយមាស៥ប្រាក់១១សំរិទ្ធ១៨ ។

​កម្ពុជាស្ថិតនៅចំណាត់ថ្នាក់លេខ៨ ជាមួយនឹងមេដាយមាស ៣ប្រាក់៧សំរិទ្ធ១១ ។ទីម័រខាងកើតស្ថិតនៅចំណាត់ថ្នាក់លេខ៩ ដែលមានមេដាយមាស២គ្រឿង ។ហ្វីលីពីនស្ថិតនៅចំណាត់ថ្នាក់លេខ១០ជាមួយនឹងមេដាយមាស១គ្រឿង និងប្រ៊ុយណេស្ថិតនៅចំណាត់ថ្នាក់ទី១១ ដោយមិនទាន់មានមេដាយនៅឡើយទេ ។