ផ្ទុះឡសម្ងួតស្រូវនៅ រោងម៉ាសុីនកិនស្រូវ ក្រុមហ៊ុនGolden Rice បណ្តាលឲ្យមនុស្សស្លាប់

កំពង់ស្ពឺ៖ លោកវរសេនីយ៍ឯក ខឹម សាម៉ុន អធិការនគរបាលស្រុកឧដុង្គ បានឲ្យដឹងថា នៅរសៀលថ្ងៃទី១៩ ខែធ្នូ ឆ្នាំ២០១៨ មានករណីផ្ទុះឆេះម៉ាស៊ីនសម្ងួតស្រូវនៅក្នុងក្រុមហ៊ុន Golden Riceបណ្តាលឲ្យមានមនុស្សស្លាប់។

រោងចក្រ(Golden Rice) ស្ថិតនៅតាមបណ្តោយផ្លូវលេខ៥១ ភូមិតាឡក ឃុំក្សេមក្សាន្ត ស្រុកឧដុង្គគ ខេត្តកំពង់ស្ពឺ។ សមត្ថកិច្ចពន្លត់អគ្គិភ័យ បានចេញអន្តរាគមន៍ ដោយប្រើរថយន្តបាញ់ទឹកជួយពន្លត់។
រោងម៉ាស៊ីន ផលិតអង្ករ​ ហ្គោល ឌិនរ៉ាយ ជារោងម៉ាស៊ីន សម្ងួតស្រូវមួយយ៉ាងធំ ហើយកាលពីឆ្នាំ២០១៧កន្លងទៅ ក៏ធ្លាប់កើតមានគ្រោះអគ្គិភ័យនេះម្ដងរួចមកហើយ។

បញ្ជាការដ្ឋានរាជអាវុធហត្ថខេត្តកំពង់ស្ពឺ បានឲ្យដឹងថា ”
កម្លាំងកងរាជអាវុធហត្ថ សហការ​ជាមួយកម្លាំងនគរបាលជួយសង្គ្រោករណីភ្លើងឆេះរោងចក្រផលិតអង្ករ «ហ្គោល ឌិនរ៉ាយ» យ៉ាងសន្ធោសន្ធៅ​ ស្ថិតតាមបណ្តោយផ្លូវជាតិ៥១ ក្នុងស្រុកឧដុង្គ ខេត្តកំពង់ស្ពឺ។ រថយន្តពន្លត់អគ្គីភ័យ របស់ស្នងការនគរបាលខេត្តកំពង់ស្ពឺ ដោយសហការជាមួយកម្លាំងអាវុធហត្ថ កំពុងសង្គ្រោះជនរងគ្រោះ” ៕