កីឡាសាកលវិទ្យាល័យអាស៊ានមេដាយកម្ពុជា កើនដល់២៧គ្រឿង

​ភ្នំពេញ:ការប្រកួតកីឡាសាកលវិទ្យាល័យអាស៊ានលើកទី១៩ ដែលកំពុងតែធ្វើនៅប្រទេសមីយ៉ាន់ម៉ានោះ គិតត្រឹមថ្ងៃទី១៩ធ្នូមេដាយរបស់កម្ពុជាបានកើនដល់២៧គ្រឿងហើយ ។

​លោកមាស សារ៉េតបេសកជនរបស់នាយកដ្ឋានអបរំកាយ កីឡាសិស្សនិងនិស្សិតកម្ពុជាបានរាយការពីប្រ
ទេសមីយ៉ាន់ម៉ា មកថាក្នុងចំណោមមេដាយទាំង២៧គ្រឿងនោះ មានមេដាយមាសចំនួន៥គ្រឿងដែលក្នុងនោះ៤គ្រឿង
រកបានដោយប្រភេទកីឡាវ៉ូវីណាម និងមួយគ្រឿងទៀតរកបានដោយប្រភេទកីឡាប៉េតង់ ។
ទោះបីមេដាយរបស់កម្ពុជាកើនដល់២៧គ្រឿងក៏ពិតមែន តែកម្ពុជាឈរនៅចំណាត់ថ្នាក់លេខ៨នៅឡើយទេ ។
ប្រទេសដែលឈរនៅចំណាត់ថ្នាក់លេខ១ គឺប្រទេសថៃដែលមានមេដាយសរុប១៥២គ្រឿង ក្នុងនោះមេដាយមាស៦២គ្រឿង ។ឥណ្ឌូនេស៊ីនៅលំដាប់លេខ២ដែលមានមេដាយ សរុបចំនួន១១៣គ្រឿងក្នុងនោះមេដាយមាស៤៤គ្រឿង ។
ម៉ាឡេស៊ីបានចំណាត់ថ្នាក់លេខ៣ដែលមាន មេដាយសរុប១២៩គ្រឿងក្នុងនោះ មេដាយមាសចំនួន៣៧គ្រឿង។
ម្ចាស់ផ្ទះមីយ៉ាន់ម៉ាស្ថិតនៅចំណាត់ថ្នាក់លេខ ៤មានមេដាយ សរុបចំនួន៧៩គ្រឿងក្នុងនោះមេដាយមាស២៤គ្រឿង។
វៀតណាមស្ថិតនៅចំណាត់ថ្នាក់លេខ៥ដែលមាន មេដាយសរុប៣១គ្រឿងក្នុងនោះ មេដាយមាស១៦គ្រឿង ប្រទេសឡាវស្ថិតនៅចំណាត់ថ្នាក់លេខ៦ ដែលមានមេដាយសរុប២៤គ្រឿង ក្នុងនោះមេដាយមាស៧គ្រឿង ។
សឹង្ហបូរីស្ថិតនៅចំណាត់ថ្នាក់លេខ៧ដែលមាន មេដាយសរុបចំនួន៣៥គ្រឿង ក្នុងនោះមេដាយមាស៥គ្រឿង ។
កម្ពុជាស្ថិតនៅចំណាត់ថ្នាក់លេខ៨ដែលមាន មេដាយសរុប២៧គ្រឿងក្នុងនោះ មេដាយមាស៥គ្រឿង ។ប្រទេសទីម័រខាងកើតចំណាត់ថ្នាក់លេខ៩ បានមេដាយមាស២គ្រឿង ហ្វីលីពីនចំណាត់ថ្នាក់លេខ១០មេដាយមាស១គ្រឿង និងប្រទេសប្រ៊ុយណេមិនទាន់បានមេដាយអ្វីទាំងអស់ ។