រថយន្ត បុករថយន្ត បណ្ដាលឲ្យរងរបួសស្រាល៣នាក់ ឯរថយន្ត ឆេះទាំងស្រុង

កណ្តាល៖នគរបាលស្រុកអង្គស្នួល បានឲ្យដឹងថា មានករណីគ្រោះថ្នាក់ចរាចរណ៍ វាងរថយន្ត និងរថយន្ត បណ្ដាលឲ្យរងរបួសស្រាល៣នាក់ប្រុស ខូតខាតរថយន្ត២គ្រឿង​ ឆេះទាំងស្រុងនៅ ថ្ងៃទី​១៩ខែ ធ្នូ​ ឆ្នាំ២០១៨​ វេលាម៉ោង២០.២០នាទី ចំណុចគីឡូម៉ែត្រ​ ២៩-៣០ លើកំណាត់ផ្លូវជាតិលេខ០៤ ភូមិព្រៃក្រឡាញ់ឃុំលំហាចស្រុក អង្គស្នួល ខេត្តកណ្ដាល ។

នៅថ្ងៃខែឆ្នាំនិងវេលាម៉ោងកើតហេតុខាងលើ មានរថយន្ត១គ្រឿង​ម៉ាកហុីយ៉ាន់ដាយ​ ពណ៌ក្រហម បើកបរដោយឈ្មោះ​ ម៉ូ ភេទ​ប្រុសអាយុ​ ២៥ឆ្នាំ​ ជនជាតិខ្មែរ​ ជារបស់ក្រុមហ៊ុន​ SP ដែលឈប់​នៅត្បូងផ្លូវបានបត់ឆ្លងផ្លូវត្រឡប់ទៅទិសខាងលិចវិញ ស្របពេលដែលបត់នោះ មានរថយន្ត​ ១គ្រឿងម៉ាក​ លុិចសុីស ​RX៣០០ ពណ៌ស​ ពាក់ផ្លាកលេខ​ ភ្នំពេញ​ ២H ៦៣៥០បើកបរដោយឈ្មោះ​ សុឹម​ វុទ្ធី​ ភេទប្រុស អាយុ២៥ឆ្នាំ​ជនជាតិខ្មែរ ទីលំនៅ​ ភូមិកោះទ្រមូង​ ឃុំបឹងសាលាខាងជើង​ ស្រុក​កំពង់ត្រាចខេត្តកំពត​ ដែលបើកមក ពីទិសខាងលិចទៅទិសខាងកើត​ បណ្ដាលឲ្យបុកចំពាក់កណ្ដាលរថយន្តឆ្លងផ្លូវនោះ​ តែម្ដង​ ។

នគរបាលជំនាញបានចេញសេចក្តីសន្និដ្ឋានថា ករណីនេះបណ្តាលមកពី អ្នកបើកបរ​រថយន្តហុីយ៉ាន់ដាយបត់ឆ្លងផ្លូវខ្វះការប្រុងប្រយ័ត្ន ។ ចំពោះមធ្យោបាយកម្លាំងជំនាញ​បាន យកមករក្សាទុកនៅអធិការ
ដ្ឋាន​នគបាលស្រុក​ ដើម្បីកសាងសំណុំរឿង តាមនីតិវិធី ៕