អេ រដ្ឋាផ្ដួលម្ចាស់មេដាយសំរិទ្ធស៊ីហ្គេមវ៉ាន់ វឿនទឹក១ដណ្ដើមកៅអីជុំទី៣

​ភ្នំពេញ:ព្រឹត្តិការណ៍TV5 Boxing Knock-Out Serie by K-Cement វគ្គជម្រុះជុំទី២បានចាប់ផ្ដើមហើយនៅយប់ថ្ងៃទី២២ធ្នូ ។
វគ្គជម្រុះជុំទី២នេះមានអ្នកប្រដាល់ជើងខ្លាំង១៦រូប ដែលឈ្នះពីការប្រកួតជម្រុះជុំទី១ ដែលមានអ្នកប្រដាល់ចំនួន៣២រូប ។នៅថ្ងៃបើកវគ្គជម្រុះជុំទី២នេះ អ្នកទស្សនានានាចង់ដឹងថាតើអេ រដ្ឋាក្លិបអេភូថងកីឡាមានសមត្ថភាពយកឈ្នះម្ចាស់មេដាយសំរិទ្ធស៊ីហ្គេមវ៉ាន់ វឿនបានឬទេ ?
ជាមួយនឹងការរង់ចាំលទ្ធផលនៃការប្រកួតដោយអន្ទះសារនេះ រដ្ឋាបានប្រើពេលមិនដល់មួយទឹកផងទេផ្ដួលវ៉ាន់ វឿនឲ្យសន្លប់ ។ជ័យជំនះនេះធ្វើឲ្យរដ្ឋាកក់កៅអី សម្រាប់ប្រកួតជម្រុះជុំទី៣បន្តទៀត ។ ចំពោះវ៉ាន់ វឿនត្រូវខ្ទាតចេញពីការប្រកួតតែត្រឹមនេះ ។

​ប្រកួតក្នុងព្រឹត្តិការណ៍នេះដែរអ្នកប្រដាល់ឆាយ មាសមកពីក្លិបសំរោងកោងកីឡាខេត្តបាត់ដំបងប្រកួតចាញ់
អ្នកប្រដាល់បឺតសង្ឃឹមក្លិបរ៉ាហាប់ស្វាយប៉ាកដោយពិន្ទុ ។
សង្ឃឹមឈ្នះឆាយ មាស ៥ទល់០តែម្ដងគឺចៅក្រមទាំង៥សុទ្ធតែផ្ដល់ពិន្ទុឲ្យបឺត សង្ឃឹមឈ្នះគ្រប់ៗគ្នា ។ឆាយមាសហាលអាវតែត្រឹមនេះក្នុងខណៈដែលបឺត សង្ឃឹមទទួលបានកៅអីសម្រាប់វគ្គជម្រុះជុំទី៣បន្តទៀត ។
ចំពោះការប្រកយតជាមិត្តភាពរវាងអ្នកប្រដាល់កម្ពុជា និងអ្នកប្រដាល់ថៃវិញនោះសារឿន ចាន់ក្លិបតាព្រហ្មមានជ័យ ប្រកួតបានត្រឹមស្មើពិន្ទុជាមួយអ្នកប្រដាល់ថៃកា តាន់យូ(Ka Tan You) ។

អ្នកប្រដាល់ទាំង២រូបនេះសុទ្ធតែជាកមពូលអ្នកលេងកែងដូចគ្នាតេកែងរបស់សារន ចាន់ស្វាគមន៍តែជាមួយខ្យល់ប៉ុណ្ណោះ ។ចំពោះកែងរបស់កា តាន់យូបានធ្វើឲ្យសារឿន ចាន់មានរបួសលើចិញ្ចើមឆ្វេងយ៉ាងធំនៅក្នុងទឹក
ទី ២ ។ទោះបីយ៉ាងណាក៏ការប្រកួតនេះពួកគេបានលទ្ធផលត្រឹមស្មើគ្នាប៉ុណ្ណោះ ។
ការប្រកួតរវាងអ្នកប្រដាល់រួមជាតិក្រៅព្រឹត្តិការណ៍ពានរង្វាន់វិញ នោះអ្នកប្រដាល់ជើងចាស់ធា នុរាជមកពីក្លិបម្កុដរាជសីហ៍ ប្រកួតឈ្នះអ្នកប្រដាល់ជើងថ្មីលីន សាហ៊ីមដោយពិន្ទុដាច់ ។
ជួបជាមួយអ្នកប្រដាល់ជើងថ្មីបែបនេះធា នុរាជប្រើសុទ្ធតែស្នៀតនាគវ័ធកន្ទុយ និងទាត់សុទ្ធតែស្នៀតជើងកន្ត្រៃហោះ តែមកនបានលទ្ធផលឡើយ ។ នៅទឹកទី៣លីន សាហ៊ីមត្រូវអាជ្ញាកណ្ដាលរាប់៨ក៏ពិតមែនតែរាប់ដោយ
សារតែកម្លាំងរបស់គេស្រុតចុះខ្លាំង ប៉ុណ្ណោះមិនមែនរាប់ដោយសារធា នុរាជវ៉ៃត្រូវនោះឡើយ ។