មហាវិថីឈ្នះឈ្នះ ប្រវែងជាង២៤គីឡូម៉ែត្រឆ្លងកាត់ខណ្ឌ៤ចាប់ពីផ្លូវជាតិលេខ៤ដល់ផ្លូវជាតិលេខ៦
ភ្នំពេញ៖ មហាវិថី ឈ្នះ ឈ្នះ (ផ្លូវកប់ស្រូវ) មានប្រវែងជាង២៤គីឡូម៉ែត្រឆ្លងកាត់ខណ្ឌ៤ គឺខណ្ឌពោធិសែនជ័យ ខណ្ឌសែន សុខ ខណ្ឌព្រែកព្នៅនិងខណ្ឌជ្រោយចង្វា ចាប់ពីផ្លូវជាតិលេខ៤ដល់ផ្លូវជាតិលេខ៦បានបញ្ចប់ការសាងសង់ហើយ ក្រោយពីប្រើប្រាស
ពេលវេលានៃការសាងសង់អស់ រយៈពេល៦ឆ្នាំ ពោលពីការដ្ឋានបានចាប់សាងសង់តាំងពីជំនន់លោកកែប ជុតិមា ជាអភិបាលរាជធានី បន្តមកលោកប៉ា សុជាតិវង្ស និងបានបញ្ចប់ការដ្ឋានជាស្ថាពរនៃខណៈដែលលោកឃួង ស្រេងឡើងធ្វើជាអភិបាលរាជធានីភ្នំពេញ។
លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានអោយដឹងថា មហាវិថី ឈ្នះ ឈ្នះ (ផ្លូវកប់ស្រូវ)ជាផ្លូវខ្សែក្រវ៉ាត់ក្រុងទី៣ សម្រាប់បំរើការដឹកជញ្ជូនធុនធ្ងន់និងធុនស្រាល ពង្វាងចរាចរមិនអោយចូលមកក្នុងរាជធានីភ្នំពេញស្ថិតនៅក្នុងភូមិសាស្ត្រខាងជើងនិងខាងលិចរាជធានីភ្នំពេញ ហើយក៏មានតួនាទីក្នុងការតភ្ជាប់ការដឹកជញ្ជូនទំនិញ គ្រប់ប្រភេទឆ្លងកាត់តំបន់ភាគខាងត្បូងទៅតំបន់ភាគខាងជើងនៃព្រះរាជាណាចក្រកម្ពុជា ។មហាវិថី ឈ្នះ ឈ្នះ មានប្រវែងសរុប ២៤៤៨៧ម៉ែត្រទទឹង២២ម៉ែត្រចាប់ពីផ្លូវជាតិលេខ៤ ដល់ផ្លូវជាតិលេខ៦ កាត់តាមស្ពានព្រែកព្នៅ។ មហាវិថីនេះត្រូវបានបែងចែកជា២កំណាត់ ក្នុងនោះកំណាត់ផ្លូវទី១ ចាប់ពីផ្លូវលេខ៤ដល់គល់ស្ពានព្រែកព្នៅត្រើយខាងលិចមានប្រវែង១៦៦៥០ម៉ែត្រជាប្រភេទផ្លូវបេតុងអារមេ ។
កំណាត់ផ្លូវទី២ ចាប់ពីគល់ស្ពានព្រែកព្នៅត្រើយខាងកើតដល់ផ្លូវលេខ៦មានប្រវែង៧៨៣៧ម៉ែត្រមានទទឹង២៥.៥ម៉ែត្រមានសួនច្បារកណ្តាលដោយមានដាំដើមច័ន្ធគីរី៦ម៉ែត្រជាប្រភេទផ្លូវបេតុងអារមេ ដែលអតីតជាផ្លូវវិនិយោគដោយក្រុមហ៊ុនអិល វ៉ាយ ភី គ្រុប ។
ចំពោះដំណាក់កាលនៃគម្រោងសាងសង់មហាវិថីឈ្នះ ឈ្នះ (ផ្លូវទំនប់កប់ស្រូវ)នេះ លោកសាំ ពិសិដ្ឋ ក៏បានបញ្ជាក់ដែរថា ដោយប្រឈមនឹងទឹកជន់លិចនៅទីតាំងខ្លះនិងដោយរងនូវការដឹកជញ្ជូនធុនធ្ងន់បណ្តាលឲ្យផ្លូវទំនប់រងការខូចខាតនៅឆ្នាំ២០១២ រដ្ឋបាលរាជធានីភ្នំពេញបានចាត់មន្ទីរសាធារណការ
និងដឹកជញ្ជូនរាជធានីភ្នំពេញធ្វើការសិក្សាលើកគម្រោងសាងសង់ជាផ្លូវបេតុងអារមេ ជាដំណាក់កាលវិញ ក្នុងនោះដំណាក់កាលទី១ ចាប់ផ្តើមសាងសង់នៅឆ្នាំ២០១២ ជាផ្លូវបេតុងអារមេ កម្រាស់២០សង់ទីម៉ែត្របណ្តោយប្រវែង ៤០៤៣ម៉ែត្រ ទទឹង២២ម៉ែត្រ ក្នុងនោះសួនច្បារកណ្តាល២,៥មែត្រ ផ្លូវទទឹង៩,៧៥ម៉ែត្រសងខាងចាប់ផ្តើមពីផ្លូវជាតិលេខ៤ដល់ផ្លូវរថភ្លើង ខ្សែបាត់ដំបង។ កំណាត់ផ្លូវនេះក៏មានដាក់បណ្តាញលូទំហំ១,៥ម៉ែត្រ សងខាងតំឡើងបង្គោលភ្លើងបំភ្លឺព្រែកជា២ ចំកណ្តាលសួនច្បារចំនួន១៣៤ដើមនិងដាក់ស្លាកសញ្ញាចរាចរផងដែរ ហើយរហូតមកដល់ពេលនេះកំណាត់ផ្លូវថ្មីនេះបានប្រើប្រាស់អស់រយៈពេល៥ឆ្នាំហើយ តែផ្លូវនៅមានគុណភាពងមាំល្អនូវឡើយ។
តំណាក់កាលទី២ ចាប់សាងសង់នៅឆ្នាំ២០១៥ ជាផ្លូវមេតុងអាមេ កម្រាស់២០សង់ទីម៉ែត្របណ្តោយប្រវែង១២៦០៧ម៉ែត្រ ទទឹង២២ម៉ែត្រក្នុងនោះសួនច្បារកណ្តាល២,៥មែត្រ ផ្លូវទទឹង៩,៧៥ម៉ែត្រចាប់ពី ផ្លូវរថភ្លើង ខ្សែបាត់ដំបង ដល់ស្ពានព្រែកព្នៅខាងលិច។
លោកបានបញ្ជាក់បន្ថែមទៀតថា ដោយសារលទ្ធភាពថវិកាមានកម្រិត រដ្ឋបាលរាជធានីភ្នំពេញ បានធ្វើការសាងសង់ជាជំហានៗដោយនៅក្នុង២០១៥ ដល់ឆ្នាំ២០១៦ កំណាត់ផ្លូវនេះត្រូវបានសាងសង់ឡើង ជាប្រភេទផ្លូវបេតុងអារមេ មួយចំហៀងផ្លូវមុន ដើម្បីអាចធ្វើចរាចរបានទ្វេទិសជាបណ្តោះអាសន្ននិងចាក់ដីពង្រីកផ្លូវនៅចំណុចទីតាំងទំនប់កប់ស្រូវ។នៅឆ្នាំ២០១៧_២០១៨គម្រោងនេះបានបន្តស្ថាបនាផ្លូវបេតុងអារមេមួយចំហៀងផ្លូវទៀត ព្រមទាំងស្ថាបនាសួនច្បារកណ្តាលទ្រូងផ្លូវ តំឡើងបង្គោលភ្លើងបំភ្លឺនិងដាក់ស្លាកសញ្ញាចរាចរ។
ពាក់ព័ន្ធនឹងគម្រោងនៃការកសាងសង់មហាវិថី ឈ្នះ ឈ្នះ (ផ្លូវកប់ស្រូវ) លោកសាំ ពិសិដ្ឋបានអោយដឹងទៀតថា ចាប់ពីដំណើរការសាងសង់ រហូតដល់បញ្ចប់ការសាងសង់ មានរយៈពេល៦ឆ្នាំ គឺបានបញ្ចប់នៅថ្ងៃទី១៥ធ្នូ២០១៨ ហើយរដ្ឋបាលរាជធានីភ្នំពេញក៏បានដាក់អោយប្រើប្រាស់កំណាត់ផ្លវសាងសង់រួចនេះអោយធ្វើចរាចរជាបណ្តោះអាសន្នតាមតម្រូវការចាំបាច់របស់បងប្អូនប្រជាពលរដ្ឋ ។
លោកសាំ ពិសិដ្ឋបានបន្ថែមទៀតថា មហាវិថី ឈ្នះ ឈ្នះ ជាផ្លូវបេតុងអារមេ ដែលមានប្រវែងសរុប ១៦៦៥០ម៉ែត្រ ចាប់ពីផ្លូវជាតិលេខ៤ ដល់ស្ពានព្រែកព្នៅត្រើយខាងលិចទទឹង២២ម៉ែត្រ ក្នុងនោះសួនច្បារកណ្តាល២,៥មែត្រ ផ្លូវទទឹង៩,៧៥ម៉ែត្រ សងខាងមានដាំស្ពៅ ដាំដើមជ្រៃគម្លាត១០ម៉ែត្រពីគ្នា ។តំឡើងបង្គោលភ្លើងបំភ្លឺព្រែកជា២ ចំនួន៥៥៩បង្គោល ដាក់ស្លាកសញ្ញាចរាចរ៣៤៨ស្លាក ដាក់បណ្តាញលូទំហំ១,៥ម៉ែត្រ ប្រវែង៨០៨៦ម៉ែត្រ ដាក់លូកាត់ផ្លូវចំនួន៥កន្លែងនិងតំឡើងស្តុបចំនួន
២កន្លែង ។ ដោយឡែកចំពោះផ្លូវបេតុងអមសងខាងស្ពានព្រែកព្នៅ រដ្ឋបាលរាជធានីភ្នំពេញ ក៏បានពង្រីកទទឹង៥ម៉ែត្រ សងខាងបន្ថែម មានប្រវែង៦៤០ម៉ែត្រនិងដាក់បណ្តាញលូទំហំ១,៥ម៉ែត្រ សងខាងចាប់ពីរង្វង់មូលស្ពានព្រែកព្នៅ ដល់ផ្លូវជាតិលេខ៥ផងដែរ៕
