អំពើហឹង្សាគប់និងជះស្រាបៀរលើកញ្ញាទេព បុព្រឹក្ស នាងសម្រេចប្តឹងទាមជំងឺចិត្ត ១០ម៉ឺនដុល្លារអាមេរិក យកទៅបរិច្ចាគឲ្យទៅមន្ទីរពេទ្យគន្ធបុប្ផា និងកុមារកំព្រា

  គួររំលឹងថា នៅយប់ថ្ងៃទី២៥ ខែធ្នូ ឆ្នាំ២០១៨ កញ្ញា ទេព បូព្រឹក្ស ត្រូវបានបុរសម្នាក់ ជះស្រាបៀរដាក់រូបនាង នៅចំណុចភោជនីយដ្ឋាន«សមុទ្រ» នៅតាមបណ្ដោយផ្លូវ១១៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

  បន្ទាប់ពីបានដាក់ពាក្យបណ្តឹងហើយនៅរសៀលថ្ងៃទី២៦ខែធ្នូនេះ កញ្ញា ទេព បូព្រឹក្ស បានថ្លែងប្រាប់អ្នកសារព័ត៌មាន ឲ្យដឹងថារូប នាងបានដាក់ពាក្យបណ្តឹងទៅលើបុគ្គល៤រូបរួមមាន៖ បុរសដែលបានជះស្រាបៀរមកលើនាងដែលគេមិនស្គាល់ឈ្មោះនិង ម្ចាស់ហាង ,ហើយនិង អ្នករៀបចំកម្មវិធីរបស់ក្រុមហ៊ុនស្រាបៀហៃ និងស្ត្រីម្នាក់ទៀតដែលគាត់បានអះអាងថា ជាម្តាយរបស់ជនបង្ក ដែលបានទះកំផ្លៀង មកលើអ្នករាំរបស់ខ្លួនចំនួន៣កំផ្លៀងពេញទំហឹង ហើយកញ្ញាទេពបូព្រឹក្សបានទាមទារសំណងជំងឺចិត្តចំនួន១០ម៉ឺនដុល្លារអាមេរិក និងអោយជនបង្កដែលជះស្រាបៀមកលើរូបនាងសូមទោសជាសារធារណ:ដោយធ្វើសន្និសីទកាសែតផងដែរ។

  កញ្ញាទេព បុព្រឹក្ស បានបញ្ជាក់ថា ចំពោះសំណងជំងឺចិត្ត១០ម៉ឺនដុល្លារអាមេរិកនេះនាង នឹងត្រូវយកទៅបរិច្ចាគឲ្យទៅមន្ទីរពេទ្យគន្ធបុប្ផា និងកុមារកំព្រាហើយនិងតារាចាស់ៗដែលគាត់គ្មានការងារធ្វើ ៕