បើកឡានបុករបាំងចែកផ្លូវ បាក់និងបែក៣កង់ ហើយបាក់ភ្លៅ និងរយះក្បាលម្ចាស់ឡានថែមទៀត ដឹកទៅសង្គ្រោះបន្ទាន់

ភ្នំពេញ ៖ ​បុរសម្នាក់ស្រវឹងស្រា បើករថយន្តក្នុងល្បឿនលឿនជ្រុល បានរេចង្កូត​បុកក្បាលនាគពុះចែក​ទ្រូងផ្លូវ បាក់៣កង់ ម្ចាស់រថយន្ត រងរបួសធ្ងន់ត្រូវបញ្ជូនទៅសង្គ្រោះនៅមន្ទីរពេទ្យ នៅម៉ោង ១២និង២០នាទី យប់រំលងអធ្រាត្រឈាន ចូលថ្ងៃទី២៦ ខែមិថុនា​ឆ្នាំ២០១៨ ស្ថិតតាមបណ្ដោយផ្លូវ នរោត្តម ចំណុចមុខក្រសួងមហាផ្ទៃ ក្នុងសង្កាត់ទន្លេបាសាក់ ខណ្ឌចំការមន។

តាមប្រភពពីកន្លែងកើតហេតុ បានអោយដឹងថា ​​រថយន្តមួយគ្រឿងម៉ាករ៉េហ្វរពណ៌ទឹកប្រាក់ពាក់ស្លាក លេខភ្នំពេញ.2AE-6871 បើកពីជើងទៅត្បូង​ក្នុងល្បឿនលឿន​ ខណៈមកដល់ចំណុចកើតហេតុខាងលើ បានរេចង្កូតទៅបុកក្បាលនាគ ពុះ​ចែកទ្រូងផ្លូវបាក់៣កង់ រថយន្តរងការខូចខាតផ្នែកខាងមុខស្ទើរ ទាំងស្រុង ។​ ចំណែកអ្នកបើកបររងរបួសបែកក្បាល និងបាក់ភ្លៅ ត្រូវបានបញ្ជូនទៅសង្គ្រោះភ្លាមៗ។