ទស្សនាសម្រស់ភ្លើងកាំជ្រួច បាញ់អបអរសាទរខួប២០ឆ្នាំ សម្ពោធវិមានអនុស្សាវរីយ៍ នយោបាយឈ្នះ-ឈ្នះ
ភ្នំពេញ ៖ កាំជ្រួចជាច្រើនគ្រាប់ ត្រូវបានបាញ់រំលេចសម្រស់លើវេហារ ដើម្បីអបអរសាទរខួប២០ឆ្នាំ នៃការបិទបញ្ចប់ភ្លើងសង្គ្រាមនៅកម្ពុជា និងសម្ពោធវិមានអនុស្សាវរីយ៍នយោបាយឈ្នះ-ឈ្នះ នៅរាត្រីថ្ងៃទី២៩ ខែធ្នូ ឆ្នាំ២០១៨នេះ ស្ថិតនៅសង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។
ការបាញ់កាំជ្រួចនេះភាពអស្ចារ្យដោយមានរយៈពេលវែង និងមានរំលេចចេញជារូបផ្សេងៗ។
សម្រស់ភ្លើងកាំជ្រួចដ៏ស្រស់ស្អាត និងមានភាពអស្ចារ្យមិនធ្លាប់មាននៅកម្ពុជានោះទេ បានទាក់ទាញការចាប់អារម្មណ៍ខ្លាំង ពីសំណាក់ប្រជាពលរដ្ឋ ដែលទៅលេងកម្សាន្តដ៏ច្រើនកុះករ។
ក្រៅពីការបាញ់កាំជ្រួច ក៏មានការប្រគំតន្ត្រី និងផ្ទាំងទស្សនីយភាពសិល្បៈមួយចំនួនទៀត។ ព្រឹត្តិការណ៍នេះនឹងធ្វើដល់រាត្រីថ្ងៃទី៣១ ខែធ្នូ។
ព័ត៌មានបានឲ្យដឹងថា កាំជ្រួចដែលបាញ់៣រាត្រីនេះ មានចំនួនប្រមាណ ៩ម៉ឺនគ្រាប់៕
