សំណង់នៅខេត្ដសៀមរាបកំពុងរីកដុះដាល់យ៉ាង កំហុកខណៈការផ្គត់ផ្គង់ និងតម្រូវការរបស់ភ្ញៀវជាតិ អន្ដរជាតិកើនឡើងយ៉ាងខ្លាំង
សៀមរាប ៖ ទីប្រឹក្សារាជរដ្ឋាភិបាលកម្ពុជា បានឱ្យដឹងថា ៖ ការសាងសង់សំណង់ នៅកម្ពុជា ជាសក្ដានុពលមួយ បាន នឹងកំពុងរីកដុះដាលយ៉ាងខ្លាំង ខណៈតម្រូវការផ្ទះសំណាក់ សណ្ឋាគារ អូតែ ខុនដូរ កើនឡើងយ៉ាងខ្លាំង ពីភ្ញៀវជាតិ អន្ដរជាតិ នាឆ្នាំ២០១៩នេះ ដែលធ្វើឱ្យក្រុមហ៊ុនជាតិ និងអន្ដរជាតិដាក់ទុកវិនិយោគ លើវិស័យនេះ យ៉ាងកំហុក ។
លោក ស្រី យូរ អយ ទីប្រឹក្សារាជរដ្ឋាភិបាលកម្ពុជា នៅក្នុងពិធីសម្ពោធជាផ្លូវការរបស់ One Boutique នៅភូមិឋានសំណាង ក្នុងស្រុកប្រាសាទបាគង ខេត្ដសៀមរាប បានថ្លែងរំលេច ឱ្យឃើញពីភាពរីកចម្រើនលើគ្រប់វិស័យ ជាពិសេស វិស័យអចលនទ្រព្យ ដោយបង្ហាញ ឱ្យឃើញពីចក្ខុ វិស័យ និងសក្ដានុពលរីកលូតលាស់ឥតឈប់ឈរក្នុងការសាងសង់សំណង់នៅកម្ពុជា ក្នុងភាពស៊ីវីល័យ ដើម្បីបំពេញតម្រូវការប្រជាជនទាំងមូល។
លោកស្រី បានបញ្ជាក់ថា នាពេលបច្ចុប្បន្ននេះ វិស័យអចលនទ្រព្យកាន់តែរីកចម្រើនសម្បូរ បែប ដោយមានក្រុមហ៊ុនអន្ដរជាតិមកដាក់ទុនវិនិយោគជាបន្ដបន្ទាប់។
លោក ឡាយ សំណាង ម្ចាស់ភូមិឋានសំណាង បានឱ្យដឹងថា ការអភិវឌ្ឍភូមិឋានសំណាងក្លាយជា បូទិក និងសំណង់នានា គឺដើម្បីបំពេញតម្រូវការប្រជាពលរដ្ឋខ្មែរ ដែលចង់រស់នៅក្នុងបែបស៊ីវិល័យ។ គម្រោងភូមិឋានសំណាង ខេត្តសៀម រាប គឺគម្រោងទីមួយ ដែលបានចេញលក់ប្រកបដោយជោគជ័យ ដែលមានការគាំទ្រពីសំណាក់អតិថិជន ហើយក្នុងឱកាសនេះដែរ ម្ចាស់ភូមិឋានសំណាង បានបរិច្ចាគដី ចំនួន១២ឡូតិ៍ ដល់វីរសិល្បករ និងសិល្បការិនី និងបណ្ឌិតសភាល្បុក្កតោ សម្រាប់បង្វឹកហាត់កុលបុត្រខ្មែរ ផងដែរ ដែលមានផ្ទៃដីចំនួន៦៥០ម៉ែត្រក្រឡា សរុបជាទឹកប្រាក់ចំនួន១៤ម៉ឺនដុល្លារ៧៕ ដោយ៖ សំរឹទ្ធ
