វាជាប្រវត្តិសាស្ត្រដែលខេត្តព្រះសីហនុភ្ញៀវទេសចរធ្លាក់ចុះរហូតដល់២៥.៨៨% ក្នុងឪកាសពិពីបុណ្យឆ្លងឆ្នាំ២០១៨/ ២០១៩
ខេត្តព្រះសីហនុ៖ វាជាប្រវត្តិសាស្ត្រហើយ ដែលខេត្តព្រះសីហនុមានភ្ញៀវទេសចរធ្លាក់ចុះរហូត ដល់២៥.៨៨ %ក្នុងឪកាសពិពីបុណ្យ ឆ្លងឆ្នាំសកល ឆ្នាំ២០១៨ / ២០១៩ ស្របពេលកំណើនសេដ្ឋកិច្ច និង ការអភិវឌ្ឌ្យមានការកើនឡើងយ៉ាងគំហ៊ុក នារយះពេលជិត២ឆ្នាំចុងក្រោយនេះ។
យោងតាមស្ថិតិភ្ញៀវទេសចរណ៍ដែលមកកម្សាន្ត ខេត្តព្រះសីហនុ ក្នុងឪកាសបុណ្យសកល ឆ្លងឆ្នាំ ២០១៨/២០១៩ ពេល៣ថ្ងៃ ពីថ្ងៃទី៣១ ដល់ថ្ងៃទី២ ខែមករា ២០១៩។
លោក វ៉េង ស៊ីសុវង្ស អនុប្រធានមន្ទីរខេត្ដព្រះសីហនុ បានបញ្ជាក់ថា៖ រយះពេលបីថ្ងៃ នៅខេត្តព្រះសីហនុ ទទួលភ្ញៀវទេសចរណ៍សរុបប្រមាណ ៦៣,០០០ ម៉ឺននាក់ ថយចុះ២៥.៨៨% ក្នុងនោះភ្ញៀវជាតិមានចំនួនប្រមាណ៥០,២៣០នាក់ ថយ ចុះ ៣២.០៧% ភ្ញៀវអន្តរជាតិ មានចំនួនប្រមាណ ១២,៧៧០នាក់កើនឡើងប្រមាណ១៥.៥៦%។
ភ្ញៀវទៅកំសាន្ត នៅតាមបណ្តាកោះមានចំនួនសរុប៦,៤៨៩នាក់/ ស្រី២,៨៥៥ នាក់ កើនឡើង ៨,៣៦% ក្នុងនោះភ្ញៀវជាតិចំនួន៣,០០១នាក់/ស្រី១,២៣៥ នាក់ថយចុះ៨៧.៨៩% និងភ្ញៀវអន្តរជាតិ មានចំនួន៣,៤៨៨នាក់/ស្រី ១,៧០០នាក់កើនឡើង ២៧.៧០%។ ភ្ញៀវទេសចរណ៍ចូលតាមអាកាសយាន្តដ្ឋានអន្តរជាតិខេត្តព្រះសីហនុមានចំនួនសរុប៥,៤០០នាក់ ក្នុងនោះភ្ញៀវជាតិចំនួន ៥០នាក់ និងបរទេស ៥,៣៥០នាក់ ។
នៅថ្ងៃទី ២២ ខែវិច្ចិកា ឆ្នាំ២០១៨ មាននាវាទេសចរណ៍ចូលចតនៅកំពង់ផែអន្តរជាតិខេត្តព្រះសីហនុចំនួន០១នាវា មានភ្ញៀវសរុប ១,៨៥៤នាក់/ស្រី ៩៦១នាក់ មាននាវឹកសរុប៧៩៣នាក់/ស្រី១២៧នាក់។
ភ្ញៀវមកកម្សាន្តតាមរមណីយដ្ឋាននានាៈ រមនីយដ្ឋានក្បាលឆាយមានចំនួនសរុបប្រមាណ ៤,៧៩៥ នាក់ ក្នុងនោះមានភ្ញៀវបរទេស៦០នាក់ស្រី១៧ នាក់ -រមនីយដ្ឋានថ្មរូងមានភ្ញៀវសរុបប្រមាណ ១៨៨០ នាក់ស្រី៥៦៤ នាក់ បរទេស ២៧០ នាក់-រមនីយដ្ឋានពិចនិចមានភ្ញៀវទេសចរសរុបប្រមាណ១៨៥០ នាក់ក្នុងនោះភ្ញៀវបរទេស ៣៣០នាក់ ស្រី ១០០នាក់។
បញ្ហាតម្លៃ ចំពោះតម្លៃសេវាកម្មស្នាក់នៅសណ្ឋាគារមួយចំនួនមានការកើនឡើងចន្លោះពី ២០% -៣៥% និងផ្ទះសំណាក់មួយចំនួនមានការកើនឡើងចន្លោះពី៣០% ទៅ៥០%។ចំណែកម្ហូបអាហារគ្រឿងសមុទ្រមានការឡើងថ្លៃប្រមាណ ២០%។
ការងារសន្តិសុខ និងសុវត្ថិភាពទេសចរណ៍ ដោយមានការយក ចិត្ដទុកដាក់និងរៀបចំផែនការគ្រប់គ្រងយ៉ាងម៉ត់ចត់ពីគណៈបញ្ជាការឯកភាពខេត្ដ ដូចជាស្នងការការនគរបាលខេត្ដនិងកងរាជអាវុធហត្ថខេត្ដព្រះសីហនុធ្វើសន្ដិសុខ និង សុវត្ថិភាពមានលក្ខណៈល្អប្រសើរ ពុំមានចោរឆក់ លួច និងមនុស្សលង់ទឹកឡើយ។
បរិស្ថាន និងអនាម័យ បរិស្ថាននិងអនាម័យសាធារណៈយើងសង្កេតឃើញថា មានលក្ខណៈល្អប្រសើរដោយអាជីវករ និងភ្ញៀវទេសចរណ៍បានចូលរួមសហការវេចខ្ចប់ទុកដាក់សំរាមតាមទីតាំងប្រមូលសំរាមត្រឹមត្រូវ។
ជាលទ្ធផលការរៀបចំព្រះរាជពិធីបុណ្យអុំទូកបណ្ដែតប្រទីប អកអំបុក និងសំពះព្រះខែរយៈពេល ៣ថ្ងៃនេះទទួលបានលទ្ធផលល្អប្រសើរដោយប្រជាពលរដ្ឋនិងភ្ញៀវទេសចរណ៍បានចូល រួមអបអរសាទរយ៉ាងសប្បាយរីករាយទោះបីជាពិធីបុណ្យនេះ មិនមានការប្រារព្ធជាលក្ខណះទ្រង់ទ្រាយធំនៅខេត្តព្រះសីហនុក៏ដោយ។
ដោយឡែកទស្សនៈភ្ញៀវទេសចរណ៏ និង អ្នកខេត្តព្រះសីហនុជាច្រើនបានបង្ហាញអារម្មណ៏ស្រដៀងគ្នាថាក្នុងបុណ្យប្រពៃណីជាតិដ៏ធំមួយនេះ ប្រជាពលរដ្ឋជាច្រើនបាននាំគ្នាឈប់សំរាកជា ច្រើនថ្ងៃ ហើយមួយចំនួនក៏បានទៅលេងស្រុកកំណើត មួយចំនួនទៀតបាននាំគ្នាដើរលេងនៅ តាមទីសាធារណៈដែលប្រារព្ធពិធីបុណ្យ នៅទីក្រុងភ្នំពេញ និងមួយចំនួនទៀតនោះ គឺបានធ្វើដំណើរកំសាន្តទៅតាមបណ្តាលខេត្តមួយចំនួន ដូចជាខេត្ត សៀមរាប និងខេត្ត ព្រះសីហនុជាដើម។ប៉ុន្តែដោយឡែក ខេត្តព្រះសីហនុ គឺជាតំបន់ទេសចរណ៍ឆ្នេរសមុទ្រដ៏ស្រស់ស្អាត ដែលមានទេសភាពដ៏ស្រស់បំព្រង និងជាតំបន់សេដ្ឋកិច្ចដ៏ធំមួយរបស់ប្រទេសកម្ពុជា។ អ្វីដែលស្លុតចិត្តជាខ្លាំងនោះ ក្រោយពីមានកំនើនជនជាតិចិនជាច្រើនមក តំបន់នេះបានប្រែក្លាយទៅជាតំបន់មួយដែលប្រជាជនខ្មែរ មិនសូវទៅលេងកំសាន្ត ព្រោះទាំងការស្នាក់នៅ និងហូបចុក ពិតជាមានតម្លៃក្នុងកម្រឹតមួយដែលប្រជាពលរដ្ឋមិនមានលទ្ធភាពគ្រប់គ្រាន់។ជាក់ស្តែង បើយើងក្រឡេកមកមើលទិដ្ឋភាពក្នុងព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ដែលជាបុណ្យប្រពៃណីជាតិដ៏ធំ របស់ប្រទេសកម្ពុជាយើង គឺពិតជាមានអារម្មណ៍ថា ពិតជាមានភាពស្ងប់ស្ងាត់ខ្លាំងណាស់ ដែលខុសកាលពីមុន គឺមានមនុស្សច្រើនកុះករ នៅ ពេលដែលមានបុណ្យទានម្តងៗ ៕
