ដោយការឆ្វេសប្រហែសរថយន្ដឈប់ភ្លើងស្តុប ម៉ូតូឈប់អែមរួចចេញដំណើរ ទាក់ដៃចង្កូតម៉ូតូ បង្កគ្រោះថ្នាក់ ដោយមិននឹកស្មានដល់️
កំពង់ស្ពឺ ៖ នៅលើផ្លូវជាតិលេខ៤ គ.ម ៤៦-៤៧ ត្រង់ចំណុ ចភ្លើងស្តុប ភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ កាលពី ថ្ងៃ៩ មករា ២០១៩ វេលាម៉ោង១២:២០នាទី រថយន្ដ ១គ្រឿងម៉ាក ISUZU ពណ៌ត្រៃអ៊ី គ្មានផ្លាកលេខ សឺមីរ៉ឺម៉ក គ្មានផ្លាកលេខ អ្នកបើកបរឈ្មោះសឿង ទិតរស្មី ភេទប្រុស អាយុ ៤០ឆ្នាំ រស់នៅភូមិអូរអង្គំ ឃុំអមលាំង ស្រុកថ្ពង បើកបរពីកើតទៅលិច លុះដល់ចំណុចភ្លេីងស្ដុបថ្មី ឈប់បន្ទាប់មកក៏មានម៉ូតូ ១គ្រឿងម៉ាកZUSUKI VIVA ពណ៌ខ្មៅលេខ កំពង់ស្ពឺ1D-7127 អ្នកបើកបរឈ្មោះលី ប៊ុនគង់ ភេទប្រុស អាយុ ៦៧ឆ្នាំ ឌុបមនុស្សម្នាក់ឈ្មោះគង់ មុនី ភេទស្រី អាយុ ៦០ឆ្នាំទាំងពីរនាក់រស់នៅ ភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន បើកបរពីខាងក្រោយស្របទិសគ្នា បើកសសៀរមកខាងឆ្វេងរថយន្ដនៅក្បែខឿនទ្រូងផ្លូវ ហើយនៅពេលភ្លើងស្តុប ពណ៌ខៀវរថយន្ដក៏បើកចេញទៅមុខបណ្ដាលឲ្យទាក់ដៃម៉ូតូធ្វើឱ្យគ្រោះថ្នាក់មនុស្ស និងខូចខាតសម្ភារៈ របួសធ្ងន់មនុស្ស ១នាក់ប្រុស(អ្នកបើកបរម៉ូតូ)។ ចំណុចគ្រោះថ្នាក់បណ្ដាលមកពីការឆ្វេសប្រហែលរបស់អ្នកបេីកម៉ូតូ បេីកទៅឆ្វេងខុសចំណុច និងកត្តាយានយន្ដ។
ក្រោយហេតុការណ៍គ្រោះថ្នាក់ចរាចរវត្ថុតាង ទាំងពីរយកមករក្សាទុកនៅការិយាល័យនគរបាល ចរាចរណ៍ខេត្ត ចាត់ការតាមនីតិវិធី៕
