ចាប់បុរសម្នាក់ រំលោភ ក្មួយស្រី រហូតបានសម្រេច១លើក

ខេត្តកណ្តាល ៖ បុរសម្នាក់ត្រូវក្មួយស្រីចោទប្រកាន់ថា ចាប់រំលោភរហូតបានសម្រេច១លើក ហើយប្តឹងនគរបាល ឲ្យឃាត់ខ្លួនចាត់ការទៅតាមផ្លូវច្បាប់ ប៉ុន្តែជនសង្ស័យ បានបដិសេដ្ឋមិនបានធ្វើសកម្មភាពដូចការចោទប្រកាន់នោះទេ ប៉ុន្តែទោះបីយ៉ាងណានគរបាលបានកសាង សំណុំរឿងបញ្ជូនទៅតុលាការជាអ្នកវិនិច្ឆ័យ ។ ការឃាត់ខ្លួននេះធ្វើឡើងកាលពី១១ជាងយប់ថ្ងៃទី៩ខែមករា ឆ្នាំ២០១៩ នៅក្នុងភូមិលេខ២ឃុំស្វាយរលំស្រុកស្អាងខេត្តកណ្ដាល។

នគរបាលបានឲ្យដឹងថា ជនរងគ្រោះឈ្មោះប ណ រ ភេទស្រី អាយុ១៧ឆ្នាំមានមុខរបរកសិកររស់នៅក្នុងភូមិ ឃុំកើតហេតុខាងលើ ។ ចំណែកជនសង្ស័យឈ្មោះ ប៉ុក អាមីឡា ភេទប្រុសអាយុ៣៨ឆ្នាជនជាតិខ្មែរទីលំនៅភូមិសំបួរ ឃុំសំរោង ស្រុកឯកភ្នំខេត្តបាត់ដំបង។

នគរបាលបានបន្តទៀតថា បើយោងតាមការរៀបរាប់ របស់ជនរងគ្រោះនោះបានឲ្យដឹងថា ពូ ត្រូវជាជនសង្ស័យ និងមីង បានបានបបួលខ្លួនទៅហូបអីនៅផ្សារកាច់ជ្រុងក្រុងតាខ្មៅដោយជិះម៉ូតូមួយគ្រឿងម៉ាកFZ លុះពេលជិះម៉ូតូទៅដល់កន្លែងកើតហេតុ ជាទីកន្លែងស្ងាត់ពូបានឈប់ម៉ូតូ ហើយដេញមីងគាត់ឲ្យដើរចេញទៅឆ្ងាយបន្តិច ហើយជនសង្ស័យបានធ្វើសកម្មភាពចាប់រំលោភខ្លួនរហូតបានសម្រេច១លើក ។ ក្រោយពីចាប់រំលោភរួចហើយជនសង្ស័យបាន ប្រាប់ខ្លួនថា កុំប្រាប់រឿងនេះទៅឲ្យអ្នកណាដឹងឲ្យសោះ រួចក៏ឌុបទាំងក្មួយទាំងមីងត្រឡប់មកផ្ទះវិញ ។ បន្ទាប់ពីត្រឡប់មកដល់ផ្ទះជនរងគ្រោះ បានរៀបរាប់ប្រាប់ម្តាយពីរឿង ហេតុបានកើតឡើងឲ្យម្តាយបានដឹង ។ ចំណែកម្តាយជនរងគ្រោះដឹងរឿងហេតុ បានមកដាក់ពាក្យបណ្តឹងនៅប៉ុស្តិ៍នគរបាលឲ្យជួយរកយុត្តិធម៌ ។

នគរបាលបានបន្តថា ក្រោយពីទទួលពាក្យបណ្តឹងកម្លាំងជំនាញ បានកោះហៅជនសង្ស័យមកសាកសួរ នៅចំពោះមុខនគរបាល ជនសង្ស័យមិនបានសារភាពទេ ដោយបដិសេដ្ឋថា មិនបានប្រព្រឹត្តដូចការចោទប្រកាន់របស់ក្មួយស្រីនោះទេ ។ ប៉ុន្តែទោះយ៉ាងណា នគរបាលបានកសាងសំណុំរឿងបញ្ជូនទៅកាន់តុលាការ ដើម្បីធ្វើការសាកសួរ និងសើបអង្កេតបន្ត៕