រថយន្ដដឹកថ្ម កែច្នៃ បើករហូតដាច់កង់មួយគ្រាប់
កំពង់ស្ពឺ ៖ រថយន្ដដឹកថ្មហត់ខ្លាំងពេកស្នើសុំថៅកែឈប់ តែគាត់មិនអនុញ្ញាត ទើបបើករហូតដាច់កង់ ដាច់ចិត្ដប្រាសខ្លួនដេក ទាំងព្រឹកនៅចំណុចលើស្ពានផ្សាកំពង់ស្ពឺ ផ្លូវជាតិលេខ ៤ ចន្លោះគីឡូម៉ែត្រលេខ ៥០.៥១ តែសំណាងល្អមិនបង្កគ្រោះថ្នាក់ដល់អ្នកដទៃ។
រថយន្ដដឹកថ្មភ្នំលើសទម្ងន់ច្បាប់កំណត់មួយគ្រឿង បានបង្កការភ្ញាក់ផ្អើលទាំងព្រឹកនៅលើផ្លូវជាតិលេខ ៤ ត្រង់ចំណុចស្ពានផ្សាកំពង់ស្ពឺ មុខធនាគារABA បណ្ដាល មកពីការរបូតកង់រត់ចេ ញពីរថយន្ដ ហើយរថយន្ដបានរេចង្កូតឡើង ទៅប៉ះដៃស្ពានបម្រុងធ្លាក់ តែសំណាងល្អបានបង្កាន់ស្ពានរឹងមាំល្អ រថយន្ដបង្កមានស្លាកលេខចង្កូតស្ដាំ PP 2652 ម៉ាកNissan ក្បាលពណ៌ខៀវ ទ្រុង ពណ៌ប្រផេះ មានអក្សរសំគាល់ X12 បិតLogo មន្ទីរសាធារៈណការក្រុង អ្នកបើកបរឈ្មោះ កេន គីម ភេទប្រុស អាយុ ៣៨ឆ្នាំ រស់នៅភូមិទួលសាម៉ ឃុំទួលសាម៉ ស្រុកអង្គរស្នួល ខេត្តកណ្តាលសមត្ថកិច្ចនគរបាលចរាចរណ៍ខេត្ដ សហការជាមួយអាជ្ញាធរក្រុងច្បារមនយកមករក្សាទុកបណ្ដោះអាសន្ននៅរដ្ឋបាលក្រុងច្បារមន ដើម្បី ដោះស្រាយផលប៉ះពាល់សងសំណង និងពិនិត្យតាមផ្លូវច្បាប់ទ្រព្យសម្បត្ដិសាធារណៈ។
សូមបញ្ជាក់ថារថយន្ដដឹកថ្មនេះ ជាប្រភេទរថយន្ដកែច្នៃ នៅក្នុងស្រុក ដោយជាងបានកែប្ដូរកង់ ប្ដូរបុង បន្ថែមទ្រុងបែនដឹកខុសពីលក្ខណៈបច្ចេកទេស ហើយជាប្រភេទរថយន្ដគ្មានពន្ធ នាំចូលទៀតផង នាំចូលលក្ខណៈគ្រឿងបន្លាស់ រួចអាចយកមកបង្គំចូលគ្នា ចេញជារថយន្ដតែម្ដង ហេតុនេះហើយទើបការដឹកធ្ងន់ បណ្ដាលឲ្យដាច់កង់រត់ចោលរថយន្ដតែម្ដង។ សំណូមពរឲ្យគ្រប់ជំនាញមេត្ដា ពិនិត្យលក្ខណៈបច្ចេកទេស រថយន្ដប្រភេទនេះផង ពិសេសថ្មីៗនេះ ក្នុងសន្និបាទក្រសួងលោកស៊ុន ចាន់ថុល រដ្ឋមន្ត្រីក្រសួងសាធារណការ បានប្រកាស និងចាត់វិធានការ ចំពោះយានដ្ឋានកែច្នៃ ផ្សារតទ្រុងបន្ថែម ចាត់វិធានការផ្លូវច្បាប់ជាដាច់ខាត៕
