ផ្ទុះឆេះអគារ កណ្តាលទីក្រុងប៉ារីស បណ្តាលឲ្យមនុស្សរងរបួសជាច្រើននាក់
មានការផ្ទុះមួយនៅកណ្តាលក្រុងប៉ារីស ប្រទសបារាំង នៅ ព្រឹកថ្ងៃសៅរ៏ទី12មករា2019 បង្កឲ្យមានអ្នករងរបួសច្រេីន តែមិនទាន់មានតួលេខ អ្នកស្លាប់នោះទេការផ្ទុះដែលបានវាយ ប្រហាររដ្ឋធានីបារាំង នៅប្រហែលម៉ោង 9 ព្រឹក (ម៉ោង 3 រសៀល) បានបង្កឱ្យមានអគ្គីភ័យ។ ប៉ូលីសបាននិយាយថាពួកគេ បានសុំឱ្យមនុស្សនៅឆ្ងាយហើយអនុញ្ញាតឱ្យក្រុមការងារសង្គ្រោះបន្ទាន់ចូលទៅកាន់តំបន់នោះ។
ក្រុមមន្រ្តីបានប្រាប់ NBC News ថាអ្នកពន្លត់អគ្គីភ័យកំពុងតបតទៅ នឹងការហៅឱ្យជួយពីការលេចធ្លាយឧស្ម័ននៅពេលការផ្ទុះនេះបានកើតឡើង។
មន្រ្តីប៉ូលីសបាននិយាយថាមានជនរងគ្រោះជាច្រើន។
ករណីផ្ទុះហ្គាស ពុំទាន់មានការបញ្ជាក់ អំពីចំនួនជងរងគ្រោះ ច្បាស់លាស់នោះឡើយ។ បើតាមរូបភាពជាក់ស្តែងនោះ គឺក្រុមសង្គ្រោះ និងពន្លត់អគ្គីភ័យកំពុងតែសស្រាក់សស្រាំក្នុងការជួយសង្គ្រោះមនុស្ស និងពន្លត់ភ្លើងឆេះ ខណៈទ្រព្យសម្បត្តិសាធារណៈជាច្រើនដូចជាអគារ រថយន្ត និងអ្វីៗជាច្រើនទៀតបានរងការខូចខាតយ៉ាងដំណំ ដោយសារតែករណីផ្ទុះហ្គាសយ៉ាងកក្រើកនេះ។
បើតាមមន្ត្រីប៉ូលិសបារាំង ការផ្ទុះនេះទំនងជាបានកើតចេញពីហាងលក់នំប៉័ងមួយកន្លែង នៅតំបន់ Rue de Trévise នាវេលាម៉ោង ៩៖០០នាទីព្រឹក (ម៉ោងនៅប៉ារីស)។ ប៉ូលិសបានអំពាវនាវឲ្យប្រជាជនស្ថិតនៅឲ្យឆ្ងាយពីតំបន់នេះសិន ខណៈសកម្មភាពសង្គ្រោះ និងគ្រប់គ្រងស្ថានការណ៍ជារួមកំពុងបន្ត។ ការផ្ទុះនេះត្រូវបានគេអះអាងថា ពុំមានជាប់ពាក់ព័ន្ធនឹងគំរោងធ្វើមហាបាតុកម្ម នៃក្រុមអាវកាក់ពណ៌លឿងនោះឡើយ៕
