បំផ្ទុះរថយន្ដ នៅអាហ្វហ្គានីស្ថាន ស្លាប់១២៦នាក់

អាហ្វហ្គានីស្ថាន ៖ ក្រុមសកម្មប្រយុទ្ធតាលីបង់ បានសម្លាប់សមាជិកកងកម្លាំងសន្តិសុខ ១២៦នាក់ និងជាច្រើននាក់ផ្សេងទៀត ក៏បានរងរបួស នៅក្នុងការវាយប្រហារបំផ្ទុះរថយន្ដ នៅឯមូលដ្ឋានយោធាមួយកន្លែង នៃខេត្ត Maidan Wardak ភាគខាងត្បូងប្រទេស។ នេះបើតាមការចេញផ្សាយដោយសារព័ត៌មាន Russian Today នៅថ្ងៃចន្ទ ទី២១ ខែមករា ឆ្នាំ២០១៩។

ការវាយប្រហារលើមូលដ្ឋានយោធាអាហ្វហ្គានីស្ថាន កើតមាន​ឡើងនៅពេលដែល ក្រុមសម្មប្រយុទ្ធតាលីបង់ជាច្រើននាក់ បានបំផ្ទុះរថយន្ដមួយគ្រឿង​ ខណៈខ្មាន់កាំភ្លើង២នាក់ទៀត សម្រុកចូលបើកការ​
បាញ់រះនៅបរិវេណមូលដ្ឋានយោធានេះ។ ប៉ុន្តែ ខាងមន្ត្រីអាហ្វហ្គានីស្ថាន មិនទាន់ទទួលស្គាល់សេចក្ដីរាយការណ៍នៅឡើយទេ បន្ទាប់ពី បានអះអាងថា កងកម្លាំងសន្តិសុខតែ១២នាក់ប៉ុណ្ណោះបានស្លាប់៕