ពលរដ្ឋម្នាក់ ផ្ទុះគ្រាប់មីនស្លាប់ នៅពេលចូលទៅកាប់ឫស្សី

បាត់ដំបង៖ នៅថ្ងៃទី២៣​ មករា​ ២០១៩​ មានប្រជាពលរដ្ឋម្នាក់ ដោយសារផ្ទុះគ្រាប់មីនស្លាប់ នៅពេលចូលទៅកាប់ឫស្សី។ គ្រោះថ្នាក់នេះកើតឡើង នៅភូមិផ្លូវមាស​ ឃុំផ្លូវមាស​ ស្រុករតនមណ្ឌល​ ខេត្តបាត់ដំបង។​

ជនរងគ្រោះឈ្មោះ សែម សារី ភេទប្រុស អាយុ៣៧ឆ្នាំ រស់នៅភូមិកើតហេតុ។
លោកហេង រតនា អគ្គនាយកស៊ីម៉ាក់ បានសរសេរលើផេកហ្វេសប៊ុកថា ឈាមកូនខែ្មរបន្តហូរមិនឈប់នៅឡើយ​ ដោយសារមរតកនៃសង្គ្រាម​ យើងកំពុងខិតខំព្យាបាលមុខរបួសនេះ​ ដើម្បីមនុស្សជំនាន់នេះ និងជំនាន់ក្រោយទៀត អស់ទុក្ខភ័យ៕