ចេញអនុក្រឹត្យកាត់យកឃុំចំនួន៤ពីស្រុកស្អាង និងដីមួយផ្នែកនៃស្រុកកណ្តាលស្ទឹង មកឲ្យក្រុងតាខ្មៅ

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញអនុក្រឹត្យកែសម្រួលព្រំប្រទល់រដ្ឋបាលរវាងក្រុងតាខ្មៅ ជាមួយស្រុកស្អាង និងស្រុកកណ្តាលស្ទឹង ខេត្តកណ្តាល ដោយកាត់យកឃុំចំនួន៤ ពីស្រុកស្អាង គឺឃុំស្វាយរលំ ឃុំកោះអន្លង់ចិន ឃុំសិត្បូ ឃុំរការខ្ពស់ និងដីមួយផ្នែកនៃស្រុកកណ្តាលស្ទឹង មកឲ្យក្រុងតាខ្មៅ។

ជាមួយគ្នានេះ ត្រូវប្តូរឃុំទាំង៤ ឲ្យចំណុះឲ្យក្រុងតាខ្មៅ ខេត្តកណ្តាល ទៅជាសង្កាត់ មានដូចខាងក្រោម៖​១៖ ឃុំស្វាយរលំ ទៅជា សង្កាត់ស្វាយរលំ
២៖ ឃុំកោះអន្លង់ចិន ទៅជា សង្កាត់កោះអន្លង់ចិន ៣៖ ឃុំសិត្បូ ទៅជា សង្កាត់សិត្បូ ៤៖ ឃុំរកាខ្ពស់ ទៅជា សង្កាត់រកាខ្ពស់៕