អភិបាលខណ្ឌទួលគោកណែនាំអោយមន្ត្រី កងកំលាំងនិងអាជ្ញាធរ រួមគ្នាចុះរៀបចំសណ្តាប់ធ្នាប់ និងសំរួលចរាចរខណៈប្រជាពលរដ្ឋជា ច្រេីនធ្វេីដំណេីរមកទិញ បន្លែរផ្លៃឈេី នៅផ្សារនាគមាស និងផ្សារដេីមគរ មុនចូលឆ្នាំចិន
ភ្នំពេញ៖ អភិបាលខណ្ឌទួលគោកលោកឯក ឃុនដឿន បានធ្វើការ ណែនាំអោយមន្ត្រី កងកំលាំងនិងអាជ្ញាធរត្រូវរួមគ្នាចុះរៀបចំសណ្តាប់ធ្នាប់ និងសំរួលចរាចរ ខណៈដែលមានបងប្អូនប្រជាពលរដ្ឋយ៉ាងច្រើនសម្រុកធ្វេីដំណេីរមកទិញ បន្លែរផ្លៃឈេី នៅផ្សារនាគមាស និងផ្សារដេីមគរ ស្ថិតក្នុងសង្កាត់ផ្សារដេីមគរ ខណ្ឌទួលគោក ក្នុងឱកាសបុណ្យចូលឆ្នាំចិនខិតជិតមកដល់។
លោកឯក ឃុនដឿន ខណៈដឹកនាំមន្ត្រីនិងកម្លាំងក្រោមឱវាទ កាលពីថ្ងៃទី០១ កុម្ភៈ ២០១៩ បានលើកឡើងថា ជិតចូលឆ្នាំចិនហើយ បងប្អូនប្រជាពលរដ្ឋ បានធ្វេីដំណេីរមកទិញ បន្លែរផ្លៃឈេី ជាច្រេីន នៅផ្សារនាគមាស និងផ្សារដេីមគរ ដូច្នេះ ក្នុងនាមយេីងជាមន្ត្រី កងកំលាំង និងអាជ្ញាធរ ត្រូវរួមគ្នាចុះរៀបចំសណ្តាប់ធ្នាប់ និងសំរួលចរាចរ កុំអោយកកស្ទះ។
គួរបញ្ជាក់ថា ពាក់ព័ន្ធនឹងពិធីបុណ្យចូលឆ្នាំចិននេះដែរ រដ្ឋបាលរាជធានីភ្នំពេញ បានធ្វើការហាមប្រាមជាដាច់ខាតនូវ ការអុច និង ការនាំចូល ផាវ កាំជ្រួច គ្រប់ប្រភេទចូលរាជធានីភ្នំពេញ ព្រមទាំងហាមការហែក្បួនផ្សេងៗ តាមបែបសាសនា ដោយគ្មានការអនុញ្ញាតក្នុងឱកាសបុណ្យចូលឆ្នាំចិនដែលនឹងប្រព្រឹត្តទៅនាប៉ុន្មានថ្ងៃទៀតនេះ។
តាមសេចក្តីជូនដំណឹងរបស់រដ្ឋបាលរាជធានីភ្នំពេញ កាលពីថ្ងៃទី២៩ ខែមករាកន្លងមកនេះ គឺបានណែនាំដល់មន្ទីរ អង្គភាព ខណ្ឌ សង្កាត់ សមាគមក្រុមហ៊ុនឯកជន អង្គការក្រៅរដ្ឋាភិបាល និងសាធារណជនក្នុងរាជធានីភ្នំពេញ ៧ចំណុច ក្នុងនោះរួមមាន៖
១៖ ហាមដាច់ខាតៈ មិនឱ្យមានការដុតផាវ កាំជ្រួច ឬបង្កសម្លេងផ្ទះគ្រប់ប្រភេទ ក្នុងឱកាសពិធីបុណ្យនេះ, មិនឱ្យលេងល្បែងគ្រប់ប្រភេទដែលមានលក្ខណៈស៉ីសង និងរាល់ការហែក្បួនផ្សេងៗទាំងបែបសាសនា ឬប្រពៃណីដែលគ្មានការអនុញ្ញាតត្រូវហាមឃាត់។
២៖ នៅគ្រប់ទីកន្លែងកម្សាន្តសប្បាយនានា មន្ទីរអង្គភាព រោងចក្រ សហគ្រាស គេហដ្ឋាន ត្រូវរក្សា សន្តិសុខសុវត្ថិភាព សណ្តាប់ធ្នាប់សាធារណៈ សេចក្តីថ្លៃថ្នូរ និងត្រូវប្រុងប្រយ័ត្នក្នុងការអុជទៀនធូប ក្រដាសសែនភ្លើងចង្ក្រាន ចរន្តអគ្គិសនី ដែលអាចបង្កឱ្យមានគ្រោះអគ្គិភ័យកើតឡើងជាយថាហេតុ។ ដោយឡែកការដុតក្រដាសសែនត្រូវប្រើធុងដែក ឬឆ្នាំងដី ដើម្បីដុតហាមដាច់ខាតមិនឱ្យដុតលើចិញ្ចើមផ្លូវ ឬទ្រូងផ្លូវសាធារណៈ។
៣៖ ចាប់ពីពេលនេះតទៅអាជ្ញាធរមានសមត្ថកិច្ចគ្រប់ថ្នាក់ ត្រូវចាត់វិធានការឱ្យម៉ឺងម៉ាត់បំផុត កុំឱ្យមានការនាំចូលផាវ កាំជ្រួច ជាតិផ្ទុះគ្រប់ប្រភេទតាមច្រកចូលរាជធានីភ្នំពេញ និងត្រូវត្រួតពិនិត្យដកហូតវត្ថុទាំងនេះ ដែលមានតាំងលក់នៅគ្រប់ទីកន្លែងក្នុងរាជធានីភ្នំពេញ។
៤៖ គ្រប់អង្គភាព សាលាខណ្ឌ និងសង្កាត់ ត្រូវផ្សព្វផ្សាយណែនាំដល់មន្ត្រីរាជការ និយោជិត កងកម្លាំងក្រោមឱវាទ និងប្រជាពលរដ្ឋក្នុងមូលដ្ឋានឱ្យអនុវត្តន៍ តាមការណែនាំនេះឱ្យមានប្រសិទ្ធភាព។
៥៖ មន្ទីរធម្មការ និងសាសនារាជធានីភ្នំពេញ ត្រូវអញ្ជើញបណ្តាសមាគមចិន និងវៀតណាម ដើម្បីផ្សព្វផ្សាយនូវខ្លឹមសារខាងលើឱ្យបានទូលំទូលាយ។
៦៖ ស្នងការដ្ឋាននគរបាលរាជធានីភ្នំពេញ បញ្ជាការដ្ឋានកងរាជអាវុធហត្ថរាជធានីភ្នំពេញ និងបញ្ជាការដ្ឋាន| យោធភូមិភាគពិសេសត្រូវចេញបទបញ្ជាឱ្យបានម៉ឺងម៉ាត់ ដល់កម្លាំងរបស់ខ្លួន ដើម្បីអនុវត្តន៍ឱ្យមានប្រសិទ្ធភាព។
ទី៧៖ ជនណាបំពានលើសេចក្តីណែនាំនេះ ឬប្រព្រឹត្តល្មើសបង្កឱ្យមានចលាចលក្នុងសង្គម បាត់សណ្តាប់ធ្នាប់សន្តិសុខ សុវត្ថិភាព និងរបៀបរៀបរយសាធារណៈ ត្រូវទទួលទោសតាមច្បាប់ជាធរមាន៕
