គ្រោះថ្នាក់ចរាចរ ប្រពន្ធស្លាប់ ប្តីរបួសធ្ងន់ ឯជនបង្កបើកម៉ូតូគេចបាត់

កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា ពីរនាក់ប្តីប្រពន្ធ ជិះម៉ូតូចូលចាក់សាំង ត្រូវម៉ូតូ ១ គ្រឿងទៀត ជិះបុកស្លាប់នៅនឹងកន្លែងកើតហេតុ ដែលករណីនេះ បានកើតឡើង នៅវេលា​ម៉ោង ៦:៣០នាទីព្រឹក ថ្ងៃទី ៦ ខែកុម្ភៈ ឆ្នាំ២០១៩ ​បង្កឡើងដោយ ម៉ូតូ ១ គ្រឿង បើកបុកនឹង ម៉ូតូ ១ គ្រឿងទៀត ក្នុងទិសដៅស្របគ្នា ពេលបត់ចូលចាក់សាំង នៅចំណុចភូមិ ២ សង្កាត់ដងទង់ ក្រុងខេមរភូមិន្ទ បណ្ដាលឲ្យ​មនុស្សចំនួន ១ នាក់ ស្លាប់ និង ១ នាក់ទៀតរង​របួសធ្ងន់ ។
ម៉ូតូ Dream C125 ពណ៌ខ្មៅ សេរីឆ្នាំ ២០១៨ ស្លាកលេខ ក.ក 1B-8213 បើកបរដោយឈ្មោះ លី ហានហ្វះ ភេទប្រុស អាយុ ៣៤ឆ្នាំ ជនជាតិខ្មែរឥស្លាម មុខរបរ នេសាទ មាន​ទីលំនៅភូមិ ៤ សង្កាត់ដងទង់ ក្រុងខេមរភូមិន្ទ រងរបួសធ្ងន់ និងភរិយារួមដំណើរឈ្មោះ យូ អាយស៊ីយះ ភេទស្រី អាយុ ២៦ ឆ្នាំ ជនជាតិខ្មែរឥស្លាម មុខរបរ កម្មកររោងចក្រ បានស្លាប់បាត់បង់ជីវិតភ្លាមៗនៅនឹងកន្លែងកើតហេតុ រីឯជនបង្កបានរត់គេចខ្លួន ក្រោយកើតហេតុ ជនរងគ្រោះ ត្រូវបានសមត្ថកិច្ចយើងបញ្ជូនទៅព្យាបាលនៅមន្ទីរបង្អែកខេត្ត ចំណែកសពរងគ្រោះ ប្រគល់ជូនសាច់ញាតិរៀបចំធ្វើបុណ្យតាមប្រពៃណីសាសនា ។
ចំពោះ ជនបង្ករកម្លាំងជំនាញយើង កំពុងស្រាវជ្រាវ យកមកផ្តន្ទាទោសតាមច្បាស់ ៕