ការផ្គត់ផ្គង់ទឹកស្អាតនៅខេត្តកំពង់ចាមមានចំនួនច្រើនសមល្មម តែមិនទាន់គ្រប់គ្រាន់ អភិបាលខេត្ត ជម្រុញឲ្យយកចិត្តទុកដាក់ក្នុងការពង្រីកបណ្តាញផ្គត់ផ្គង់បន្ថែម
កំពុងចាម៖ អភិបាលខេត្តកំពង់ចាម លោក គួច ចំរើន បានប្រាប់ឲ្យដឹងនៅថ្ងៃទី០៨ កុម្ភៈ ២០១៩នេះថា សេវាករធ្វើអាជីវកម្មផ្គត់ផ្គង់ទឹកស្អាតនៅខេត្តកំពង់ចាម មានចំនួនច្រើនសមល្មម តែមិនទាន់គ្រប់គ្រាន់លើការ ផ្គត់ផ្គងសេវានេះបានល្អនូវឡើយ ប៉ុន្តែទោះបីជាយ៉ាងណាក្តីក្នុងនាមលោកជាអភិបាលខេត្ត បាជម្រុញឲ្យយកចិត្តទុកដាក់ក្នុងការពង្រីកបណ្តាញផ្គត់ផ្គង់បន្ថែម។
លោកអភិបាលខេត្តបន្តថា បើយោងទៅតាមរបាយការណ៍របស់មន្ទីរឧស្សហកម្ម និង សិប្បកម្មខេត្ត ឃើញមានចំនួនច្រើនសមល្មមហើយ តែការចែកចាយរបស់ពួកគេនៅមិនទាន់បានលាតសន្ធឹងធំទូលាយនៅឡើយ ធ្វើឲ្យប្រជាពលរដ្ឋភាគច្រើននៅតែមិនទាន់មានទឹកស្អាតប្រើប្រាស់។
លោកអភិបាលខេត្តបញ្ជាក់ថាការដែលសេវាករផ្គត់ផ្គង់ទឹកស្អាត មិនទាន់បានពង្រីកការចែកចាយឲ្យមានវិសាលភាពធំនេះ ដោយសារពាក់ព័ន្ធទៅនឹងការចំណាយច្រើនទៅលើបណ្តាញ ចំពោះកន្លែងដែលមានប្រជាពលរដ្ឋរស់នៅតិច។ទោះជាយ៉ាងណាកន្លងទៅនេះ យើង(គួច ចំរើន) បានជម្រុញដល់សេវាករទាំងអស់ឲ្យយកចិត្តទុកដាក់ក្នុងការពង្រីកបណ្តាញផ្គត់ផ្គង់ទឹកស្អាត នៅតាមតំបន់ដែលខ្លួនទទួលបានអាជ្ញាបណ្ណធ្វើអាជីវកម្មដើម្បីឲ្យប្រជាពលរដ្ឋទទួលបានទឹកស្អាតប្រើប្រាស់គ្រប់គ្រួសារ៕