អគ្គីភ័យឆេះផ្ទះប្រជាពលរដ្ឋមួយខ្នងម៉ត់នៅភូមិធំ ឡានទឹក០៨គ្រឿងចេញអន្តរាគមន៍
ភ្នំពេញ៖ តាមសេចក្តីរាយការណ៍បានអោយដឹងនៅល្ងាចនេះថា នៅវេលាម៉ោង៤,៣០នាទីល្ងាចថ្ងៃសុក្រ ទី០៨ ខែកុម្ភះ ឆ្នាំ២០១៩ មានករណីអគ្គីភ័យឆេះផ្ទះប្រជាពលរដ្ឋមួយខ្នងនៅភូមិ ភូមិធំ ស្រុកកៀនស្វាយ ខេត្តកណ្តាល បណ្តាលអោយផ្ទះប្រជាពលរដ្ឋមួយខ្នងត្រូវអគ្គីភ័យឆេះម៉ត់។
មន្ត្រីប៉ូលីសនិយាយថា ដោយមានការសហការចូលរួមពីលោកចៅសង្កាត់ក្បាលកោះ និងលោក អេម សារ៉ារុធ អធិការនគរបាលខណ្ឌច្បារអំពៅ បានមកដល់ទីតាំងកើតហេតុដើម្បីជួយអន្តរាគមន៍ព្រោះទីតាំងនោះជាប់ព្រំប្រទល់ខណ្ឌច្បារអំពៅ នឹងស្រុកកៀនស្វាយ ឡានទឹកមកដល់ចំនួន ០៨គ្រឿងជាលទ្ធផលប្រើ ០៤ គ្រឿងមិនប៉ះពាល់ដល់អាយុជវិតមនុស្សទេហើយក៏មិនប៉ះពាល់ដល់ផ្ទះអ្នកជិតខាងដែរ៕