រថយន្តធំ ដាច់ហ្រ្វាំងបុករះរថយន្តតូចបន្តគ្នា ជាច្រើនគ្រឿង

ស្រុកកំពង់សីលា៖ មានគ្រោះថ្នាក់ចរាចររថយន្តធំ ដាច់ហ្រ្វាំងបុករះ រថយន្តតូចបន្តគ្នាជាច្រើនគ្រឿង វេលាម៉ោង​ជាង១០ព្រឹក​ថ្ងៃ​ ១៧​ កុម្ភៈ​ ឆ្នាំ​២០១៩នេះ​ នៅចំណុចថ្នល់បំបែក​ ចន្លោះ​គីឡូម៉ែត្រ​លេខ​ 141-142​ ក្នុង​ភូមិ​/ឃុំ​ ចំការ​ហ្លួង​ ស្រុក​កំពង់សីលា​ ខេត្តព្រះសីហនុ​ ។

យោងតាមរបាយការណ៍បឋមពីកងរាជអាវុធហត្ថស្នាក់ការសន្តិសុខ402 អោយដឹងថា ហេតុការណ៍នេះ បង្កដោយរថយន្តម៉ាក​ហុីយ៉ុនដាយ​ ដឹកសុីម៉ងត៌មានទិសដៅពីស្រុកស្រែអំបិល ទៅភ្នំពេញ​ ដល់ចំណុច ថ្នល់បំបែកចុះមកផ្លូវជាតិលេខ​ ៤​ រថយន្តដាច់ហ្រ្វាំង ក៍ជ្រុលទៅបុករថយន្តតូច​ៗចំនួន ៤គ្រឿងផ្សេងទៀត ដែលបណ្តាលឲ្យមានមនុស្សម្នាក់ បានស្លាប់​ និងខ្លះទៀតរង​ របួស រីឯរថយន្តក៏រងការខូច​ខាត​។

ករណីនេះសមត្ថកិច្ចនគរបាលមូលដ្ឋាន និងសមត្ថកិច្ច ពាក់ព័ន្ធ ក្រៅពីអន្តរាគមន៍ ជួយសង្គ្រោះជនរងគ្រោះ ក៏បានចាត់ចែង បន្តនិតិវិធីស្រាយតាមផ្លូវច្បាប់៕