រថយន្តស៊េរីទំនេីប មួយគ្រឿង ចតទុកចោល ស្រាប់តែឆ្លងចរន្តអគ្គិសនីបណ្តាលឲ្យឆេះ
រថយន្តស៊េរីទំនេីប មួយគ្រឿង ខណៈដែលចតទុកចោល ស្រាប់តែឆ្លងចរន្តអគ្គិសនីបណ្តាលឲ្យឆេះ ផ្អើលប្រជាពលរដ្ឋ នាំគ្នាយកបំពុងឧស្ម័នបាញ់ពន្លត់ភ្លាមៗផងដែរ កាលពីវេលាម៉ោង ១និង៥០នាទីរសៀល ថ្ងៃទី២០ ខែកុម្ភៈ ឆ្នាំ២០១៩ ដែលស្ថិតនៅតាមបណ្តោយផ្លូវ៤៦០ សង្កាត់ទួលទំពូង២ ខណ្ឌចំការមន រាជធានីភ្នំពេញ។
ប្រជាពលរដ្ឋនៅកន្លែងកើតហេតុ បានប្រាប់ឲ្យដឹងថា រថយន្ត ម៉ាកអូឌី ពណ៌ស ពាក់ស្លាកលេខ កណ្ដាល 2A-7807 ដែលម្ចាស់បានចតទុកចោលនៅលេីចិញ្ចេីមផ្លូវ៤៦០ ស្រាប់តែឃេីញមានផ្សែងហ៊ុយៗចេញពីក្នុងរថយន្តខាងលេី។ ភ្លាមៗនោះ ក៏មានការភ្ញាក់ផ្អេីលដល់បងប្អូនប្រជាពលរដ្ឋដែលរស់នៅក្បែរកន្លែងកេីតហេតុ បាននាំគ្នាយកបំពង់ពន្លត់អគ្គិភ័យមកអន្តរាគមន៍បាញ់ពន្លត់។
ដោយនៅក្នុងហេតុការណ៍អគ្គិភ័យខាងលេីនេះ គឺបងប្អូនប្រជាពលរដ្ឋបានប្រេីប្រាស់បំពង់ពន្លត់អគ្គិភ័យអស់ជាច្រេីនបំពង់ ទេីបរលត់ទៅវិញ៕
