អ្នកដែលឆ្លងផុតវគ្គជម្រុះជុំទី១ មុនគេ

ភ្នំពេញ:ព្រឹត្តិការណ៍TV5 Boxing Knock-Out Serie by K-Cementរជ្ជកាលថ្មីទម្ងន់៥១គីឡូក្រាមមានអ្នក
ប្រដាល់២រូបហើយដែលបានឆ្លងផុតវគ្គជម្រុះជុំទី១មុនគេ ។
ម៉ន ភារម្យក្លិបការិយាល័យទី៥កងទ័ពជើងគោក បានយកឈ្នះអ្នកប្រដាល់ជើងខ្លាំងប៊ុន គន្ធាសមាគមប្រដាល់
ក្រសួងការពារជាតិដោយពិន្ទុ ។ការប្រកួតដែលមានតែ៣ទឹកនោះ នរណាក៏មានជំនឿចិត្តថាគន្ធាមានឱកាសយកឈ្នះ
លើភារម្យដែលជាអ្នកប្រដាល់ចូលចិត្ត ឌឺ រូបនេះដែរ ។
ពិតជាគិតខុសមែនគ្រាន់តែស្នូរជួងនៃការចាប់ផ្ដើមទឹកទី ១ បន្លឺឡើងភ្លាមនោះភារម្យចាប់ផ្ដើមបើកការវាយ
សម្រុកភ្លាម ។គន្ធាដែលចូលចិត្តប្រើកែង និង ជង្គង់ផ្ដួលគូប្រកួតនោះ បែរជាវ៉ៃចេញមិនរួចហើយបានត្រឹមតែការពារ
ប៉ុណ្ណោះ ។
ក្នុងការប្រកួត៣ទឹកភារម្យមានប្រៀបលើគន្ធាទាំង៣ទឹកតែម្ដង ។ ចប់ការប្រកួតម៉ន ភារម្យបានទម្លាក់ប៊ុន
គន្ធាឲ្យខ្ទាតចេញពីការប្រកួតទាំងព្រលឹមអុរតែម្ដង ។
ប្រកួតក្នុងព្រឹត្តិការណ៍នេះដែរចាន់ សាន់ក្លិបតាព្រមានជ័យបានយកឈ្នះអ្នកប្រដាល់រិទ្ធ ប្រាក់បិន្ដដោយពិន្ទុ
ដែរ ។
ប្រាក់បិន្ដខ្ទាតចេញពីការប្រកួតនៅជុំទី២តែម្ដង ឯ ចាន់ សាន់បានកក់កៅអីសម្រាប់បន្តការប្រកួតជម្រុះនៅ
ជុំទី២ដែលនោះជាការប្រកួតដែលធ្ងន់ជាងនេះ ។
ការប្រកួតជាមិត្តភាពជាមួយអ្នកប្រដាល់ថៃវិញនោះ អ្នកប្រដាល់ជើងខ្លាំងកម្ពុជាវេង សុភ័ក្រ្តមកពីក្លិបទ័ពឆ័ត្រ
យោង៩១១ប្រកួតចាញ់អ្នកប្រដាល់ថៃលូម លេង(Loom Leng) ដោយពិន្ទុ ។
អាចនិយាយបានថាសុភ័ក្រ្តវ៉ៃបានល្អហើយបើវ៉ៃមិនបាន ល្អច្បាស់ជាសន្លប់ដោយសារទម្ងន់ជើងរបស់អ្នកប្រ
ដាល់ថៃលូម លេងបាត់ទៅហើយ ។ កន្លងមកមានអ្នកប្រដាល់ខ្លាំងៗរបស់កម្ពុជាមិន តិចនាក់ទេដែលត្រូវដួលសន្លប់
ក្រោមទម្ងន់ជើងលូម លេង ។
ចំពោះការប្រកួតក្រៅព្រឹត្តិការណ៍ពានរង្វាន់ រវាងអ្នកប្រដាល់រួមជាតិវិញនោះសយ សុខក្លិបពន្លឺវិបុលប្រកួត
ចាញ់អ្នកប្រដាល់គឿម សុវណ្ណនឿតក្លិបឃ្លាំងមឿងកីឡាដោយពិន្ទុ ។