អគ្គីភ័យឆេះកុដិព្រះសង្ឃ នៅក្នុងវត្តកោះរកា
កំពង់ចាម:នៅវេលាម៉ោង៣:៣០នាទី ព្រឹកថ្ងៃទី៦ ខែមីនា ឆ្នាំ២០១៩នេះ ក្រោយទទួលបានព័ត៌មានពីអគ្គីភ័យឆេះកុដិព្រះសង្ឃ បានកើតឡើង នៅក្នុងវត្តកោះរកា លោក គួច ចំរើន អភិបាលនៃគណៈអភិបាលខេត្តកំពង់ចាម បានដឹកនាំកម្លាំង អន្តរាគមន៍ចុះពន្លត់អគ្គីភយ័ ដោយប្រើប្រាស់កម្លាំងឡានទឹក នៃស្នងការនរគបាល ខេត្តកំពង់ចាមអស់ជាច្រើនគ្រឿង ហើយអគ្គីភ័យបានរលត់ ទាំងស្រុងនៅវេលាម៉ោង៦ព្រឹកនេះ។
អគ្គីភ័យឆាបឆេះកុដិព្រះសង្ឃនៅវត្តកោះរកា កម្លាំង អន្តរាគមន៍ចុះពន្លត់អគ្គីភ័យបន្ទាន់ ដោយប្រើប្រាស់ឡានទឹក ចំនួន ៦គ្រឿង អស់ទឹកចំនួន ៩ឡាន របស់ស្នងការនរគបាលខេត្តកំពង់ចាម ។
អគ្គីភ័បានរលត់ទាំងស្រុងនៅវេលាម៉ោង៦ព្រឹកថ្ងៃដដែលនេះ ខណៈដែលកុដិសម្ភារៈទ្រព្យសម្បត្តិក្នុងវត្តអស់មួយចំនួនធំ តែមិនបណ្តាយឲ្យនរណាម្នាក់រងគ្រោះថ្នាក់ឡើយ។
លោក គួច ចំរើន បានអំពាវនាវដល់បងប្អូនប្រជាពលរដ្ឋ ត្រូវបង្កេីនបង្ការការប្រុងប្រយ័ត្នខ្ពស់ ចំពោះបញ្ហាអគ្គិសនីនេះ ហេីយបច្ចប្បន្នអាកាសធាតុមានភាពប្រែប្រួល ដោយមានកម្តៅខ្លាំង ដូច្នេះអាចបង្កឲ្យកេីតជាចំហេះ និងពិសេសនោះលេីបញ្ហាគ្រោះរាំងស្ងួត ការខ្វះខាតទឹកប្រេីប្រាស់ ត្រូវត្រៀមការពារទប់ស្កាត់កុំ ឲ្យកេីតហេតុដោយយថាហេតុណាឡេីយ និងសាមគ្គីភាពចេះជួយគ្នាក្នុងពេលជួបការលំបាកផងដែរ៕
