គ.ជ.ប. បន្ទោស មកពីបច្ចេកទេសកំព្យូទ័រហ្នឹង ទើបបានជាបូកលេខខុស ធ្វើឲ្យខ្មាសគេ
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប.) បានសេចក្តីកែតម្រូវសេចក្តីប្រកាសព័ត៌មាន លេខ ០១៧ ដែលបូកលេខខុស លើចំនួនសរុបរបស់គណបក្សឆន្ទៈខ្មែរ ។
គ.ជ.ប. បញ្ជាក់ថា “មកការបូកសរុបចំនួនបេក្ខជនឈរឈ្មោះបោះឆ្នោត ជ្រើសរើសក្រុមប្រឹក្សារាជធានី ក្រុមប្រឹក្សាខេត្ត មានលក្ខណៈខុសបច្ចេកទេស។ គណបក្សឆន្ទៈខ្មែរ គ.ជ.ប. បានបូកចំនួនសរុប 106+106 ស្រាប់តែចេញលទ្ធផលគួរឲ្យភ្ញាក់ផ្អើលគឺ 1212 ទៅវិញ ប៉ុន្តែបានកែមករកភាពត្រឹមត្រូវវិញ គឺ 106+106=212។
សូមបញ្ជាក់ថា លោក ពេជ្រ ស្រស់ ប្រធានគណបក្សយុវជនកម្ពុជា នៅថ្ងៃទី១១ មីនា ២០១៩ បានថ្លែងថា ទុកចិត្តម្តេចកើត បើការងារខ្ជីខ្ជារយ៉ាងៗ នឹងនោះ។ លោកបានសរសេរលើផេកហ្វេសប៊ុកបែបនេះ បន្ទាប់ពីគណៈកម្មាធិការជាតិរៀបចំការបោះឆ្នោត បានចេញសេចក្តីប្រកាសព័ត៌មាន ថ្ងៃទី៤ នៃការចុះបញ្ជីគណបក្សនយោបាយឈរឈ្មោះបោះឆ្នោត ដោយក្នុងនោះ បញ្ជីឈ្មោះលេខរៀងទី៦ របស់គណបក្សឆន្ទៈខ្មែរ គ.ជ.ប. បានបូកចំនួនសរុប 106+106 ស្រាប់តែចេញលទ្ធផលគួរឲ្យភ្ញាក់ផ្អើលគឺ 1212 ទៅវិញ ។
លោក ពេជ្រ ស្រស់ បានបញ្ជាក់ថា របៀបគ.ជ.ប.បូកលេខ 106+106= 1212។ របៀបគិតលេខថ្មីរបស់ គ.ជ.ប. សូមបងប្អូនជ្រាប !
ឲ្យគេទុកចិត្តម្តេចកើត បើការងារខ្ជីខ្ជារយ៉ាងៗនឹងនោះ ហើយបូកសន្លឹកឆ្នោតចឹងដែរនោះ គឺវាមិនវីវរហើយទេក្នុងនាមជាស្ថាប័នកំណត់ទូរលេខផ្លូវការ គួរបង្កើននូវការប្រុងប្រយ័ត្នឲ្យបានខ្ពស់ ដើម្បីកុំអំពើអយុត្តិធម៌កើតឡើងមិនឈប់ឈរ ចាយលុយច្រើនណាស់សម្រាប់គ.ជ.ប.នេះ តែការងារវិញ គឺនឹកស្មានមិនដល់។
សូមបញ្ជាក់ថា នៅថ្ងៃទី១១ខែមីនានេះ គណៈកម្មាធិការជាតិរៀបចំការបោះឆ្នោត បានចេញសេចក្តីប្រកាសព័ត៌មាន ថ្ងៃទី៤ នៃការចុះបញ្ជីគណបក្សនយោបាយឈរឈ្មោះបោះឆ្នោត ដោយបានបញ្ជាក់ថា នៅថ្ងៃទី១០ខែមីនាឆ្នាំ២០១៩ ដែលជាថ្ងៃទី៤ នៃការទទួលពាក្យសុំចុះបញ្ជីគណបក្សនយោបាយ ឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សា អាណត្តិទី៣ គណៈកម្មាការរាជធានី ខេត្តរៀបចំការបោះឆ្នោត ទាំង២៥រាជធានី ខេត្ត ទទួលបានពាក្យសុំចុះបញ្ជី ៕
