សាកសពមនុស្សស្រីម្នាក់ ត្រូវគេសម្លាប់យកមកចោលនៅ ក្បែរចិញ្ចើមផ្លូវ សង្ស័យរំលោភសម្លាប់

កោះកុង: ស្នងការដ្ឋាននគរបាលខេត្តកោះកុង បានឲ្យដឹងថា
នៅវេលាម៉ោង ៧ព្រឹក ថ្ងៃទី ១២ មីនា ២០១៩ មានប្រជាពលរដ្ឋរស់នៅភូមិជីត្រេះ ឃុំអណ្ដូងទឹក ស្រុកបុទុមសាគរ បានប្រទះឃេីញសាកសពមនុស្សស្រី មិនស្គាស់អត្តសញ្ញាណ មានសភាពហេីមស្អុយរលួយ​​ នៅចំណុចចំការស្វាយ​ ក្បែរចិញ្ចេីមផ្លូវ សាយ ភូថង ស្ថិតនៅភូមិជីត្រេះ ឃុំអណ្ដូងទឹក ស្រុកបូទុមសាគរ ខេត្តកោះកុង ក៏មករាយការណ៍ជូនសមត្ថកិច្ច។

ស្នងការនគរបាលខេត្តកោះកុង បានបន្ថែមថា ក្រោយទទួលបានព័ត៌មាន កម្លាំជំនាញនៃអធិការដ្ឋាន សហការជាមួយ ក្រុមគ្រូទេព្យមណ្ឌលសុខភាពអណ្ដូងទឹក ដោយមានការចូលរួមពីអាជ្ញាធរមូលដ្ឋាន បានចុះធ្វើកោសល្យវិច្ច័សព ។

ក្រោយត្រួតពិនិត្យរួចបានបញ្ជាក់ឃេីញថា សាកសពមានស្នាមធ្លាយត្រង់ចុងដង្ហេីម ស្លៀកតែលីអូ ពណ៌ខ្មៅ អត់ពាក់អាវ មានអាវក្នុងពណ៌ខ្មៅប្រលាក់ឈាម លេីចិញ្ចេីមថ្នល់ ក្បែរសាកសព ត្រូវបានគេដឹកមកទំលាក់ចោល​ សណ្ឋានភាពសាកសពស្លាប់ប្រហែល ៥ ទៅ ៦ ថ្ងៃ មុខមាត់ហេីមរលួយមេីលមិនស្គាល់។
ករណីនេះ កម្លាំងជំនាញយើងកំពុងស្រាវជ្រាវ ៕