នាវាឆ្មាំសមុទ្រឥណ្ឌា១គ្រឿង ចូលចតនៅកំពង់ផែស្វយ័តក្រុងព្រះសីហនុ ដើម្បីបំពេញទស្សនកិច្ចសុច្ឆន្ទៈនៅកម្ពុជា
ព្រះសីហនុ: មន្ត្រីកងទព័ជើងទឹកកម្ពុជាថ្លែងថា នៅព្រឹកថ្ងៃទី25មីនា2019នេះ នាវានាវាឆ្មាំសមុទ្រឥណ្ឌា១គ្រឿង ឈ្មោះ ICGS VIJIT-31 ប្រភេទនាវាល្បាត បានចូលចតនៅកំពង់ផែស្វយ័តក្រុងព្រះសីហនុ ដើម្បីបំពេញទស្សនកិច្ចសុច្ឆន្ទៈនៅព្រះរាជាណាចក្រកម្ពុជារយៈពេល 5ថ្ងៃ(គិតពី ថ្ងៃទី25-29មីនា2019)។ក្នុងពេលបំពេញទស្សនកិច្ច គណប្រតិភូនាវានឹងអញ្ជើញចូលជួបសំដែងការគួរសមជាមួយ គណៈអភិបាលខេត្តព្រះសីហនុ មេបមេបញ្ជាការមូលដ្ឋានសមុទ្រលោកនាយឧត្ដមនាវី អគ្គមេបញ្ជាការរងនៃកងយោធពលខេមរភូមិន្ទនិងជាមេបញ្ជាការកងទ័ពជើងទឹក។ ក្រៅពីនេះក៍មានគម្រោងធ្វើទស្សនកិច្ច និងមានការប្រកួតបាល់ទាល់ បាល់ទះជាមិត្តភាព រវាងក្រុមនាវិកនៃនាវាឆ្មាំសមុទ្រឥណ្ឌា ជាមួយនាវិកកងទ័ពជើងទឹក មូលដ្ឋានសមុទ្រផងដែរ៕
