ជើងខ្លាំងទី១១ និងទី១២នឹងបង្ហាញខ្លួនក្នុងសប្ដាហ៍នេះ

ភ្នំពេញ:ព្រឹត្តិការណ៍TV5 Boxing Knock-Out Serie by K-Cementសម្រាប់យប់ថ្ងៃទី៦មេសាចុងសប្ដាហ៍
នេះនឹងរកឃើញអ្នកខ្លាំងទី១១ និង ទី១២សម្រាប់ឡើងទៅប្រកួតជម្រុះបន្តនៅជុំទី២ទៀត ។
យឹប ឌុកក្លិបរស្មីភូមិគាបខេត្តបន្ទាយមានជ័យ ត្រូវជួបប្រកួតជាមួយអ្នកប្រដាល់ជី ឆៃលីរបស់សមាគមប្រ
ដាល់ក្រសួងការពារជាតិ ។ ឆៃលីជាអ្នកប្រដាល់ជើងខ្លាំងមួយរូបដែល មិនស្រួលបង្ក្រាបនោះទេហើយមួយរយៈនេះ
ការប្រកួតរបស់គេភាគច្រើនបានទទួលជ័យជំនះ ។ ជាអ្នកប្រដាល់ដែលមានបទពិសោធន៍ខ្ពស់និងធ្លាប់ឆ្លងកាត់ការ
ប្រកួតធំៗជាច្រើនគ្រាន់តែគេពុំធ្លាប់បានទទួលពាន ឬ ខ្សែក្រវាត់ពីព្រឹត្តិការណ៍ប្រកួតទាំងនោះតែប៉ុណ្ណោះ ។
ចំពោះយីប ឌុកគេជាអ្នកលេងជាយដែនខេត្តបន្ទាយមានជ័យ ។អ្នកប្រដាល់រូបនេះក្រៅពីមានកម្លាំងអស្ចារ្យ
នោះគេក៏មានប្លង់វ៉ៃល្អដែរ ។គេមានឱកាសប្រកួតច្រើនព្រោះ ក្រៅពីប្រកួតលើសង្វៀនរបស់ស្ថានីយ៍ទូរទស្សន៍នានា
នោះគេមានការប្រកួតច្រើននៅខេត្តបន្ទាយមានជ័យ ។ អ្នកប្រដាល់ទាំង២រូបនេះនរណាខ្ទាតចេញពីការប្រកួតហើយ
នរណាមានកៅអីសម្រាប់ជុំទី២ ?
ប្រកួតក្នុងព្រឹត្តិការណ៍នេះដែរលឹម តក់មកពីខេត្តសៀមរាបប្រកួតជាមួយអ្នកប្រដាល់អេ អាំម៉ារីនរបស់សមា
គមប្រដាល់ក្រសួងកសិកម្ម ។
លឹម តក់ធ្លាប់បង្ហាញមុខតាមសង្វៀន របស់ស្ថានីយ៍ទូរទស្សន៍នានាជាច្រើន ឯ អាំម៉ារីនមិនសូវមាននរណា
ស្គាល់នោះទេ ។ អ្នកប្រដាល់ទាំង២រូបនេះមានប្លង់វ៉ៃល្អដូចគ្នា និងមានចិត្តធំដូចគ្នា ។ការប្រកួតជម្រុះនេះមិនដឹងថា
នរណាធ្លាក់ចេញពីការប្រកួតហើយនរណា ទទួលបានកៅអីសម្រាប់ជុំទី២នោះឡើយតែរវាងអ្នកចាញ់ និង អ្នកឈ្នះ
ប្រាកដជាទ្រមខ្លួនដូចគ្នាជាមិនខាន ។
ការប្រកួតជាមិត្តភាពអន្តរជាតិវិញនោះអ្នកប្រដាល់កម្ពុជាតាញ់ មករាសមាគមប្រដាល់ក្រសួងការពារជាតិ
ប្រកួតជាមួយអ្នកប្រដាល់ថៃយ៉ត កាតាន់យូ(Yorth Katanyou) ។