ចាន់ សំអាតបង្ហាញខ្លួនឡើងវិញ

ភ្នំពេញ:បន្ទាប់ពីដកខ្លួនចេញពីព្រឹត្តិការណ៍ដណ្ដើមខ្សែក្រវាត់ដោយសារតែមានរបួសជើងនោះអ្នកប្រដាល់
ចាន់ សំអាតក្លិបអប់រំកាយស្រុមអន្លង់វែងខេត្តឧត្តរមានជ័យបានបង្ហាញខ្លួនមកវិញហើយ ។
សំអាតបានណាត់ប្រកួតជាមួយអ្នកប្រដាល់ថៃយ៉ត បានភុត(Yorth Banphut)លើសង្វៀនBoostrong
Fighter on Fire នាព្រឹកថ្ងៃទី៧មេសា ។ អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៦០គីឡូក្រាម ។សំអាត
បើនិយាយពីកេរ្តិ៍ឈ្មោះគេមិនមែនជាអ្នកប្រដាល់ដែលអស្ចារ្យខ្លាំងណាស់ណាទេតែគេជាអ្នកប្រដាល់ដែលមានប្លង់វ៉ៃ
មិនអន់ឡើយគ្រាន់វិធីការពាររបស់គេមិនសូវប្រសើរឡើយ ។
ចំពោះយ៉ត បានភុតនេះជាលើកទី២ហើយដែលគេឡើងមកប្រកួតនៅស្រុកខ្មែរ ។របៀបវ៉ៃរបស់គេប្រហាក់
ប្រហែលនឹងសំអាតដែរទេតែអ្នកប្រដាល់ថៃរូបនេះវ៉ៃដោយចិត្តត្រជាក់គឺគេមិនវ៉ៃដោយឆេវឆាវនោះឡើយ ។
យ៉ត បានភុតមានប្រវត្តិប្រកួតចំនួន៦៣ដង ឈ្នះ៥៤ដង និងចាញ់៩ដង ។ចំពោះចាន់ សំអាតវិញគេមានប្រវត្តិ
ប្រកួតចំនួន៧៦ដង ឈ្នះ៥៧ដង ចាញ់១៦ដង និងស្មើពិន្ទុ៣ដង ។ ជំនួបរវាងអ្នកប្រដាល់ទាំង២រូបនេះមិនដឹងថាជ័យ
ជំនះធ្លាក់ទៅក្នុងកណ្ដាប់ដៃនរណានោះទេ ។