សត្វគោរត់កាត់ផ្លូវបង្កគ្រោះថ្នាក់ចរាចរ បណ្ដាលអោយបុរសម្នាក់ស្លាប់ភ្លាមៗនៅកន្លែងកន្លែងកើតហេតុ
ខេត្ដកំពង់ស្ពឺ ÷ នៅចំណុចលេីផ្លូវជាតិ 51(8-9) ស្ថិតក្នុងភូមិវត្តភ្នំ ឃុំភ្នំតូច ស្រុកឧដុង្គ ខេត្តកំពង់ស្ពឺ មានករណីគ្រោះថ្នាក់ចរាចរ បង្កឡេីងដោយសត្វគោមួយក្បាលរត់ឆ្លងផ្លូវ កាលពីថ្ងៃសុក្រ ១ កើត ខែចេត្រ ឆ្នាំច សំរឹទ្ធិស័ក ពុទ្ធសករាជ ២៥៦២ វេលាម៉ោង១៣.២០នាទី បណ្ដាលឲ្យបុរសម្នាក់ជាអ្នកបេីកបរម៉ូតូ ០១គ្រឿង ម៉ាក ហុងដា C125(2007)ពណ៌ខ្មៅ ស្លាកលេខសៀមរាប1B.5268 ឈ្មោះ ឈឿន រតនៈ ភេទប្រុស អាយុ 18 ឆ្នាំ រស់នៅភូមិស្វាយសាចភ្នំ ឃុំស្វាយសាចភ្នំ ស្រុកស្រីសន្ធរ ខេត្តកំពង់ចាម “ស្លាប់” និងអ្នករួមដំណើរម្នាក់ឈ្មោះ ជា ចិន្តា ភេទប្រុស អាយុ 19ឆ្នាំ រស់នៅភូមិពោធិ៍រ៉ា ឃុំភ្នំបាត ស្រុកពញាឮ ខេត្តកណ្តាល មុនកេីតហេតុជនរងគ្រោះ ធ្វើដំណើរទិសដៅពីត្បូងទៅជើង លុះទៅដល់ចំណុចខាងលើ ស្រាប់តែមានគោ ០១ក្បាលរត់ឆ្លងផ្លូវពីកើតទៅលិចធ្វើឲអ្នកបើកបរម៉ូតូ ចាប់ហ្រ្វាំងមិនទាន់ក៏បុកសត្វគោដែលរត់ឆ្លងផ្លូវនោះដួលបោកក្បាលទៅនឹងផ្លូវថ្នល់ បណ្តាលអោយអ្នកបើកម៉ូតូស្លាប់ ចំណែកអ្នករួមដំណេីររងរបួសបន្តិចបន្តួច។
តាមការបញ្ជាក់ពីសមត្ថកិច្ចនគរបាលចរាចរណ៍បានអោយដឹងថាអ្នកបើកបរម៉ូតូនឹងអ្នករួមដំណើរមិនមានពាក់មួកសុវត្ថិភាព នៅពេលជួបគ្រោះថ្នាក់ក្បាលបះទង្គិចបណ្ដាលអោយរងរបួសធ្ងន់ សត្វគោបានរត់បោលទៅបាត់ដោយគ្មានអ្នកចេញមុខទទួលខុសត្រូវឡេីយ ចិញ្ចឹមសត្វចង់បានផលតែមិនគួរបណ្ដែតបណ្ដោយព្រលែងពាសវាលពាសកាសដូច្នេះទេ បច្ចុប្បន្នប្រជាពលរដ្ឋជាអ្នកចិញ្ចឹមសត្វតែងតែព្រលែងអោយដេីរតាមអំពេីចិត្ដ តាមទីសាធារណៈ សួនច្បារ មិនខ្វល់អំពីការបង្កបាតុភាពប៉ះពាល់ដល់សង្គមនោះទេ សំណូមពរដល់បងប្អូនប្រជាពលរដ្ឋជាអ្នកមាន សត្វចិញ្ចឹមមេត្តាមេីលថែ អោយបានល្អ ជាក់ស្ដែងបង្កគ្រោះថ្នាក់ដូចថៃ្ងនេះ ។
