ប្រតិបត្តិការបង្ក្រាបក្រុមមុខសញ្ញាគ្រឿងញៀនដ៏ធំ នៅក្នុងទឹកដីស្រុកសំរោងទង ខេត្ដកំពង់ស្ពឺ សមត្ថកិច្ចដកហូតបានសារធាតុគ្រឿងញៀន ១១ កញ្ចប់ ឃាត់ខ្លួនអ្នកពាក់ព័ន្ធចំនួន ៦នាក់ រួមជាមួយ សម្ភារៈជញ្ជីងថ្លឹង
ខេត្ដកំពង់ស្ពឺ ÷ កាលពីថ្ងៃអាទិត្យ ៣កើត ខែ ចេត្រ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ០៧ ខែមេសា ឆ្នាំ២០១៩ វេលាម៉ោង ១១,០០នាទីព្រឹក កម្លាំងនគរបាលស្រុកសំរោងទង រួមសហការបង្រ្កាបមុខសញ្ញាក្រុមជួញដូរចែកចាយគ្រឿងញៀន នៅចំណុចភូមិត្រពាំងត្រស់ ឃុំសំរោងទង ស្រុកសំរោងទង ខេត្តកំពង់ស្ពឺ ឃាត់ខ្លួនក្នុងប្រតិបត្ដិការសមត្ថកិច្ចឃាត់ខ្លួនជនសង្ស័យពាក់ព័ន្ធចំនួន ០៦នាក់៖
១-ឈ្មោះ អ៊ុន ផល្លី ប្រុស អាយុ ៣៣ឆ្នាំ នៅភូមិត្រពាំងត្រស់ ឃុំសំរោងទង “ម្ចាស់ថ្នាំ”
២-ឈ្មោះ អាន ពិសី ប្រុស អាយុ ២៤ឆ្នាំ នៅភូមិទន្លេកន្ទិល ឃុំសំរោងទង
៣-ឈ្មោះ ខៀវ ចែ ប្រុស អាយុ ២២ឆ្នាំ នៅភូមិព្រៃផ្ដៅ ឃុំត្រពាំងគង
៤-ឈ្មោះ ទេព កុសល ប្រុស អាយុ ២៨ឆ្នាំ នៅភូមិត្រពាំងតាឡាត់ ឃុំសំរោងទង
៥-ឈ្មោះ យ៉ាន់ ដា ប្រុស អាយុ ១៩ឆ្នាំ នៅភូមិឆ្វេក ឃុំពាំងល្វា ស្រុកឧដុង្គ
៦-ឈ្មោះ ចន សុជាតិ ប្រុស អាយុ ៣០ឆ្នាំ នៅភូមិឆ្វេក ឃុំពាំងល្វា ស្រុកឧដុង្គ
តាមការបញ្ជាក់ពីនគរបាលបានអោយដឹងថាកិច្ចប្រតិបត្តិការបង្ក្រាបក្រុមមុខសញ្ញាសង្ស័យពាក់ព័ន្ធករណីជួញដូរសារធាតុញៀនខុសច្បាប់ ០៦នាក់ ដោយសារបានទទួលព័ត៌មានពីកំលាំងផ្ដល់ព័ត៌មានថាមានក្រុមជួញដូរថ្នាំញៀនមេក្លោងកំពុងតែរកទីផ្សាចែកចាយក្រោយទទួលបានបទបញ្ជាដ៏ខ្ពង់ខ្ពស់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ត លោកអធិការស្រុកបានបញ្ជាអោយកំលាំងជំនាញនគរបាលចំណុះអធិការដ្ឋាន មានកំលាំងផ្នែកសន្ដិសុខ ផ្នែកគ្រឿងញៀន ផ្នែកព្រហ្មទណ្ឌសហការធ្វើការស្រាវជ្រាវរហូ តឈានដល់ការបង្រ្កាបបានតែម្ដង។
សមត្ថកិច្ចបានធ្វើការចាប់ដកហូតវត្ថុតាងជាថ្នាំសង្ស័យជាថ្នាំញៀនចំនួន ១១ កញ្ចប់ “ធំ ២ មធ្យម ១ តូច ៨ កញ្ចប់,ជញ្ជីងថ្លឹងគ្រឿងញៀន ចំនួន ១ និងសម្ភារៈប្រើប្រាស់ផ្សេងទៀត។
បច្ចុប្បន្នស្រុកបានបញ្ជូនទៅការិ.ជំនាញបន្ដសាកសួរ នឹងកសាងសំណុំរឿងចាត់ការតាមនិតិវិធីច្បាប់៕