រដ្ឋបាលខណ្ឌទួលគោករៀបចំពិធីសូត្រមន្ត សុំសិរីសួស្តីឆ្នាំថ្មី បណបណ្តេញគ្រោះឧបទ្រពចង្រៃនៅឆ្នាំចាស់ និងលើករាសីសម្រាប់ឆ្នាំថ្មី
ភ្នំពេញ ៖ រដ្ឋបាលខណ្ឌទួលគោកដឹកនាំដោយលោកឯក ឃុនដឿនជាអភិបាលនិងលោកម៉ែន សិរី ប្រធានក្រុមប្រឹក្សាខណ្ឌ ព្រមទាំងមន្ត្រីរាជការទាំងអស់ចំណុះអោយរដ្ឋបាលខណ្ឌ កាលពីព្រឹកថ្ងៃទី០៨ មេសានេះបានរៀបចំពិធីសូត្រមន្ត សុំសិរីសួស្តីឆ្នាំថ្មី ឆ្នាំកុរ ឯកស័ក ព.ស.២៥៦៣ ដើម្បីបណ្តេញគ្រោះឧបទ្រពចង្រៃនៅឆ្នាំចាស់ និងលើករាសីសម្រាប់ឆ្នាំថ្មី ដែលនឹងឈានចូលមកដល់នាពេលខាងមុខនេះនៅសាលាខណ្ឌទួលគោក។
រដ្ឋបាលខណ្ឌទួលគោកបានបំពេញកិច្ចទៅតាមប្រពៃណីព្រះពុទ្ធសាសនា ដោយមានការសូត្រមន្ត សមាទានសីលចំរើនព្រះបរឹត ប្រគេនទ័យវត្ថុ ដើម្បីឧទ្ទិសកុសលផលបុណ្យជូនដល់ ជីដូនជីតា ញាតិកាទាំង៧សន្តាន បុព្វបបុព្វបុរសដែលបានចែកឋានទៅកាន់បរលោកខាងមុខ។
រដ្ឋបាលខណ្ឌទួលគោសូមបួងសួងដល់ទេវតាឆ្នាំថ្មី ឆ្នាំកុរ ឯកស័ក ព.ស.២៥៦៣ ព្រះនាង ព្រះនាម ទុង្សាទេវីដែលនិងយាងចូលមកថែរក្សាគ្រប់គ្រង់ព្រះរាជាណាចក្រកម្ពុជា ជំនួសទេវតាឆ្នាំចាស់ប្រោះព្រំពរជ័យស័ពសាធិការដល់ថ្នាក់ដឹកនាំ មន្ត្រីរាជការ ចំណុះអោចំណុះអោយរដ្ឋបាលខណ្ឌទួលគោកទាំងអស់ទទួលបាននូវភាពជោគជ័យថ្មីៗទៀតតាមការកែទម្រង់ស៊ីជំរៅរបស់រាជរដ្ឋាភិបាលកម្ពុជា ពិសេស កិច្ចការពារសន្តិសុខ សណ្តាប់ធ្នាប់និងការបំរើសេវាជូនប្រជាពលរដ្ឋអោយកាន់តែល្អប្រសើរបន្ថែមទៀត។
គួរបញ្ជាក់ថា ពិធីបុណ្យចូលឆ្នាំថ្មី ប្រពៃណីខ្មែរ ជាពិធីបុណ្យជាតិដ៏ធំមួយ ដែលតែងធ្វើឡើងរៀងរាល់ឆ្នាំ ដោយមានរយៈពេល៣ថ្ងៃនៅក្នុងអំឡុងខែចេត្រ ហើយឆ្នាំនេះសម្រាប់ ពិធីបុណ្យចូលឆ្នាំខ្មែរ នឹងប្រារព្ធនៅថ្ងៃទី ១៤,១៥និង១៦ ខែមេសា ឆ្នាំ២០១៩ខាងមុខនេះ៕
