ទៅទិញគ្រឿងញៀនយកមកលក់ មិនទាន់បានលក់ផង សមត្ថកិច្ចប៉ូលិសក្រួចជាប់

កណ្ដាល៖លោកព្រុំ សំណាងអធិការប៉ូលិសស្រុកកៀនស្វាយ បានអោយដឹងនៅព្រឹកថ្ងៃទី១៩ខែមេសានេះ ស្ដីពីករណី ជួញដូរដោយខុសច្បាប់នូវសារធាតុញៀន
នៅ ក្នុងភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្ដាលកាលពីរសៀលថ្ងៃទី១៨ខែមេសាឆ្នាំ២០១៩នេះ ដោយចាប់ឃាត់ខ្លួនបាន២នាក់ក្នុងចំណោមគូកន៤នាក់។
ចំពោះជនសង្ស័យ០៤នាក់នោះរួមមាន៖
១/ ឈ្មោះបាន ពិសែ (ហៅអាក្បាលធំហៅអាញ៉ែ) ភេទប្រុស អាយុ២៥ ឆ្នាំ (ខ្មែរ) មុខរបរ មិនពិតប្រាកដ មានទីលំនៅ ភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល (ឃាត់ខ្លួន)
២/ឈ្មោះឆែម រដ្ឋា ហៅខ្ចៅ ភេទប្រុសអាយុ២៤ឆ្នាំ(ខ្មែរ)មុខរបរមិនពិតប្រាកដ
មានទីលំនៅភូមិពពាលខែឃំុដីឥដ្ឋស្រុកកៀនស្វាយខេត្តកណ្តាល(ឃាត់ខ្លួន)
៣/ ឈ្មោះតោ សុផារិន ភេទ ប្រុស អាយុ ៣៤ ឆ្នាំ(ខ្មែរ) មានមុខរបរកសិករ មានទីលំនៅ បច្ចុប្បន្ន ភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល (គេចខ្លួន)
៤/ឈ្មោះស៊ុម ធារាជ្យ ភេទប្រុសអាយុ២៥ឆ្នាំ(ខ្មែរ)មុខរបរមិនពិតប្រាកដ
មានទីលំនៅភូមិពពាលខែឃំុដីឥដ្ឋស្រុកកៀនស្វាយខេត្តកណ្តាល(គេចខ្លួន)
ចំពោះវត្ថុតាងចាប់យករួមមាន:
១/-ម្សៅក្រាមពណ៍សថ្លាសង្ស័យសារធាតុញៀន(ម៉ាទឹកកក)ចំនួន០៩កញ្ចប់
២/-ទូរស័ព្ទដៃចំនួន០២គ្រឿង
អិនចុចពិល ពណ៏ស០១គ្រឿង
ពណ៏ខៀវមួយគ្រឿង
៣/-កន្ត្រៃចំនួន០១
៤/-ដែកកេះចំនួន០៥
៥/-សម្ភារះប្រើប្រាស់នឹងវិុចខ្ចប់មួយចំនួន។
លោកអធិការបាននិយាយរៀបរាប់អោយដឹងថា នៅថ្ងៃខែឆ្នាំ
ខាងលេីនោះ កំលាំងប៉ុស្តិ៍នគរបាលរដ្ឋបាលដីឥដ្ឋ សហការជាមួយ កំលាំងផ្នែកប្រឆាំងបទល្មេីសគ្រឿញៀនស្រុកកៀនស្វាយ ធ្វើការល្បាតនៅក្នុងភូមិសាស្រ្ដឃុំដីឥដ្ឋក៏ ឃើញឈ្មោះបាន ពិសែ ហៅអាក្បាលធំហៅអាញ៉ែ
ភេទប្រុសអាយុ២៥ឆ្នាំជនជាតិខ្មែរមុខរបរមិនពិតប្រាកដ មានទីលំនៅភូមិពពាលខែឃុំដីឥដ្ឋ​ ស្រុកកៀនស្វាយខេត្តកណ្ដាល រត់ចេញពីចំការស្វាយនៅក្រោយផ្ទះរបស់ខ្លួន ពេលនោះកំលាំងសម្ថកិច្ចយើង បានដេញប៉ផាប់ចាប់ប៉ភីងរហូតដល់ មាត់បឹងធំនាក្រោយភូមិពពាលខែ ទើបឃាត់ខ្លួនជនសង្ស័យឈ្មោះបាន ពិសែ បាននឹងដកហូតវត្ថុតាងខាងលើ ដែលជនសង្ស័យឈ្មោះបាន ពិសែ យកទៅលាក់នៅក្នុងគុម្ពស្លឹកក្រៃពេលនោះ កំលាំងបាននាំជនសង្ស័យឈ្មោះបាន ពិសែ មកសួរនាំ។
នៅចំពោះមុខសមត្តកិច្ចជនសង្ស័យឈ្មោះបាន ពិសែ បានសារភាពគ្មានលាក់លៀមថា (ថ្នាំញៀនចំនួន០៩កញ្ចប់តូចខាងលើគឺឈ្មោះតោ សុផារិន ភេទប្រុសអាយុ៣៤ឆ្នាំ(ខ្មែរ)មុខរបរមិនពិតប្រាកដ មានទីលំនៅភូមិពពាលខែឃំុដីឥដ្ឋស្រុកកៀនស្វាយខេត្តកណ្តាល បានទៅទិញមកពីឈ្មោះស៊ុម ធារាជ្យ ភេទប្រុសអាយុ២៥ឆ្នាំ(ខ្មែរ)មុខរបរមិនពិតប្រាកដ មានទីលំនៅភូមិពពាលខែឃំុដីឥដ្ឋស្រុកកៀនស្វាយខេត្តកណ្តាល ហើយឈ្មោះតោ សុផារិន បានយកថ្នាំញៀនខាងលើ មកប្រគល់អោយខ្លួន ដើម្បីលក់បន្តក្នុងមួយកញ្ចប់តំលៃ៤០០០០៛(បួនម៉ឺនរៀល)តែមិនទាន់បានលក់ផង ក៏ត្រូវសមត្តកិច្ចឃាត់ខ្លួនតែម្តង។
ក្រោយពីសួរនាំរួចកំលាំងសមត្តកិច្ចក៏បន្តទៅផ្ទះឈ្មោះតោ សុផារិនទៀត ប៉ុន្តែឈ្មោះខាងលើនេះបានរត់គេចខ្លួនបាត់ ពេលនោះក៍ឃើញឈ្មោះ ឆែម រដ្ធា ហៅខ្ចៅ ភេទប្រុស ដែលជាមុខសញ្ញាជួញដូរថ្នាំញៀន ហើយសមត្ថកិច្ចក៍បានឃាត់ខ្លួនឈ្មោះ ឆែម រដ្ធា ហៅខ្ចៅ រួចក៍ បញ្ចូនជនសង្សយ័ទាំង២នាក់ រួមទាំងវត្ថុតាងមកកាន់អធិការរដ្ឋាននគរបាលស្រុកកៀនស្វាយ ដើម្បីចាត់ការតាមច្បាប់៕