អភិបាលខេត្តកំពង់ចាម ប្រាប់បងប្អូនកម្មករ-កម្មាការនី យកចិត្តទុកដាក់លេីបញ្ហាសុខភាព ធ្វេីអនាម័យតាមមូលដ្ឋាន
ខេត្តកំពង់ចាម៖ ក្រោមដំបូលសុខសន្តិភាព ស្ថេរភាព សុវត្ថិភាព សេរីភាព កម្មករកម្មការិនីរោងចក្រទូទាំងប្រទេសមានភាពកក់ក្តៅដោយប្រមុខរាជរដ្ឋាភិបាលកម្ពុជាយកចិត្តទុកដាក់លេីផ្នែកប្រាក់បៀវត្សន៍ សុខមាភាពសង្គម និងជួយជ្រោមជ្រែងលេីជីវភាពប្រចាំថ្ងៃបន្ថែមទៀត ពោលធ្វេីយ៉ាងណាឲ្យបងប្អូនកម្មករ កម្មការិនី មានជីវភាពកាន់តែធូធារបន្ថែមទៀត។
ដេីម្បីអបអរសាទរខួបអនុស្សាវរីយ៍លើកទី ១៣៣ នៃទិវាពលកម្មជាតិ ១ ឧសភា នៅព្រឹកថ្ងៃទី៣០ ខែមេសា ឆ្នាំ២០១៩នេះ រោងចក្រMedtecsបានប្រារព្ធទិវានេះឡេីង ក្រោមអធិបតីភាពលោកគួច ចំរើន អភិបាលនៃគណៈអភិបាលខេត្តកំពង់ចាមលោក ខ្លូត ផន ប្រធានក្រុមប្រឹក្សាខេត្តកំពង់ចាម ដោយមានការចូលរួមពីបងប្អូនកម្មករ-កម្មការិនីជាង ៣៤០០ នាក់ ដោយមានការលេីកទឹកចិត្តចាប់រង្វាន់ទៀតផង។
ឆ្លៀតក្នុងឱកាសនោះដែរលោក គួច ចំរើន អភិបាលខេត្តកំពង់ចាម បានថ្លែងប្រាប់បងប្អូនកម្មករ-កម្មាការនី ទាំងអស់ថា សូមបងប្អូនប្រជាពលរដ្ឋ មិនថាកម្មករ-កម្មាការនីធ្វេីយ៉ាងណាយកចិត្តទុកដាក់លេីបញ្ហាសុខភាពជាចំបង ជាពិសេសត្រូវបង្កេីនចំពោះការធ្វេីអនាម័យដោយត្រូវតាមមូលដ្ឋាន ឬខ្នងផ្ទះនីមួយៗធ្វេីបង្គន់អនាម័យឲ្យបានគ្រប់ៗគ្នា ដេីម្បីជួយកាត់បន្ថយការបន្ទោលបង់ពាសវាលពាសកាល ដែលអាចបង្កគ្រោះថ្នាក់លេីបរិស្ថានជុំវិញខ្លួនជាពិសេស ការពារពីបញ្ហាផ្សេងៗដែលកេីតឡេីងដោយបទល្មេីស ឬអំពេីខុសច្បាប់ចំពោះស្ត្រីនាពេលយប់ផងដែរ។ លោក បានអំពាវនាវ និងស្នេីដល់បងប្អូនប្រជាពលរដ្ឋប្រុងប្រយត្ន៍ខ្ពស់លេីបញ្ហាប្រែប្រួលអាកាសធាតុក្តៅហួតហែង ដែលអាចបង្កឲ្យមានគ្រោះថ្នាក់ទាំងសុខភាព និងការរស់នៅ ពោលគឺធ្វេីយ៉ាងណាបរិភោគទឹកឲ្យបានច្រេីនផងដែរ។
លោកគួច ចំរើន បានផ្តល់កិត្តិយស ក្នុងការចាប់រង្វាន់ជូនបងប្អូនកម្មករ-កម្មការិនី រង្វាន់រួមមាន៖ កង្ហារ ចំនួន ១២រង្វាន់
ចង្រ្គានហ្គាស ចំនួន ១០រង្វាន់ កង់ ចំនួន ៥រង្វាន់ ទូរស័ព្ទ ចំនួន ៥រង្វាន់ ទឹកប្រាក់ ១០ដុល្លារ ចំនួន ២០រង្វាន់
ទឹកប្រាក់ ២០ដុល្លារ ចំនួន ១០រង្វាន់ ទឹកប្រាក់ ៥០ដុល្លារ ចំនួន ៥ រង្វាន់ ទឹកប្រាក់ ១០០ដុល្លារ ចំនួន ៣រង្វាន់
ហើយនៅជាទីបបញ្ចប់លោកគួច ចំរើន បានអញ្ជើញរាំងលេងកម្សាន្តជាមួយបងប្អូនកម្មករ-កម្មការិនីផងដែរ ៕
