ខណ្ឌមានគម្រោងស្ថាបនាផ្លូវបេតុង ១ខ្សែ ប្រវែង ៣០០ម៉ែត្រ ក្នុងភូមិជើងឯក

ភ្នំពេញ៖លោកអភិបាលខណ្ឌដង្កោបានជម្រាបជូន បងប្អូនប្រជាពលរដ្ឋថា៖ អាជ្ញាធរខណ្ឌមានគម្រោងស្ថាបនាផ្លូវបេតុង ១ខ្សែ ប្រវែង ៣០០ម៉ែត្រ ក្នុងភូមិជើងឯក។

ជាក់ស្ដែងកាលពីថ្ងៃទី២១ ខែឧសភា ឆ្នាំ២០១៩ លោក នុត ពុធដារ៉ា ជំនួយការសម្តេចតេជោ នាយករដ្ឋមន្ត្រី និងជាអភិបាលខណ្ឌដង្កោ រួមជាមួយលោកអភិបាលរង មន្ត្រីរាជការ ចៅសង្កាត់ មេភូមិ បានចុះសំណេះសំណាលសួរសុខទុក្ខបងប្អូនប្រជាពលរដ្ឋ ភូមិជើងឯក និងភូមិបុរីកម្មករ សង្កាត់ជើងឯក ដើម្បីស្វែងយល់ពី​សំណើ សំណូមពរ និងតម្រូវការនានារបស់បងប្អូនប្រជាពលរដ្ឋ យកមកដោះស្រាយ​ឲ្យបាន​ទាន់ពេលវេលា ។
ក្នុងឱកាសនោះដែរលោកអភិបាលខណ្ឌក៏បានអញ្ជើញ ពិនិត្យគម្រោងស្ថាបនាផ្លូវបេតុង ០១ខ្សែ ប្រវែង ៣០០ម៉ែត្រ ក្នុងភូមិជើងឯក ផងដែរ៕