រថយន្តកូរ៉េបេីកបរមិនគោរពច្បាប់ចរាចរណ៍ ម៉ូតូស្គុបពីបុកពេញទំហឹង. បណ្ដាលរបួសដង្ហេីមចង្រិត

ភ្នំពេញ : រថយន្តកូរ៉េពណ៍ខៀវពាក់ស្លាកលេខភ្នំពេញ២J ៥៧៤១បេីកបរដោយបុរសម្នាក់មិនគោរពគនូសចរាចរណ៍បេីកឆ្លងផ្លូវមានបុរសម្នាក់ជិះម៉ូតូស្គុបពីពណ៍សពាក់ស្លាកលេខកណ្ដាល១AA-០១២៦បុករថយន្តកូរ៉េពេញទំហឹងបណ្ដាលអោយអ្នកបេីកម៉ូតូផ្លោងបោកនិងកញ្ចក់រថយន្តបណ្ដាលរងរបួសអ្នកបេីកម៉ូតូដង្ហេីមចង្រិតហេតុការនេះកេីតឡេីង នៅវេលាម៉ោង ១២និង៤០នាទីថ្ងៃត្រង់ថ្ងែទី០១ ខែ មិថុនា ឆ្នាំ ២០១៩ តាមបណ្តោយផ្លូវ៦០ម៉ែត្រ ស្ថិតនៅភូមិព្រែកតាគង់ ក្នុងសង្កាត់ចាក់អង្រែលើ ខណ្ឌមានជ័យ ។

ប្រភពព័ត៌មាននៅកន្លែងកើតហេតុ បានអោយដឹងថា រថយន្តកូរ៉េបានបើកឆ្លងផ្លូវពីលិចទៅកើត ហើយក៏មានម៉ូតូបើកដោយបុរសម្នាក់ ពីជើងទៅត្បូងតាមផ្លូវ៦០ម៉ែត្រ ហើយក៏បុកជាមួយរថយន្តពេញទំហឹង បណ្តាលអោយអ្នកបើកម៉ូតូហោះផ្លោងចូលក្នុងរថយន្ត រងរបួសជើងទាំងសងខាងបាក់និងក្បាលហូរឈាមដង្ហេីមចង្រិតក្រោយកេីតហេតុប្រជាពលរដ្ឋទូរស័ព្ទហៅរថយន្តសង្រ្គោះមកដឹកយកទៅព្យាបាល ។

សមត្ថកិច្ចផ្នែកវាស់វែងខណ្ឌមានជ័យបានប្រាប់ថាមានករណីគ្រោះចរាចរណ៍ រវាងរថយន្តបើកឆ្លងផ្លូវ បុកនិងម៉ូតូស្គុបពីពណ៌សបណ្ដាលអោយរបួសធ្ងន់ធ្ងរក្រោយកេីតហេតុមានរថយន្តសង្រ្គោះមន្ទីរពេទ្យបង្អែកមានជ័យដឹកយកទៅមន្ទីរពេទ្យកាល់ម៉ែត្រតែអកុសលដល់ពេទ្យជនរងគ្រោះក៏បានស្លាប់ហេីយភាគីខាងរថយន្តបង្កបេីកឆ្លងផ្លូវមិនគោរពគំនូសមិនអាចបេីកឆ្លងទទឹងផ្លូវ ។
សមត្ថកិច្ចបញ្ជាក់ថាជនរងគ្រោះមានឈ្មោះ អែល សុខជា ជនជាតិខ្មែរឥស្លាម ភេទប្រុស អាយុ១៩ឆ្នាំ មុខរបរសិស្ស
ស្នាក់នៅភូមិកំពង់សំណាញ់​ ក្រុងតាខ្មៅ​ ខេត្តកណ្តាល ។
ក្រោយមកក៏សមត្ថកិច្ចយេីងបានហៅខាងការិយាល័យនគរបាលចរាចរណ៍ផ្លូវគោកស្នងការរាជធានីភ្នំពេញអោយមកវាស់វែងរួចយករថយន្តបង្កនិងម៉ូតូរងគ្រោះរក្សាទុកជាបណ្ដោះអាសន្នសិន ។