ខេម ចាន់ និង ឡុង ណងសៅកក់កៅអីសម្រាប់វគ្គពាក់កណ្ដាលផ្ដាច់ព្រ័ត្រ

ភ្នំពេញ:ព្រឹត្តិការណ៍Tv5 Boxing Knock-Out Serie by K-Sementវគ្គជម្រុះជុំទី៣អ្នកប្រដាល់ឡុង ណងសៅក្លិបសលវ័ន្ឌកីឡា និង ខេម ចាន់ក្លិបទ័ពឆ័ត្រយោង៩១១កក់កៅអីសម្រាប់វគ្គពាក់កណ្ដាលផ្ដាច់ព្រ័ត្រដូចគ្នា។
ឡុង ណងសោបានយកឈ្នះអ្នកប្រដាល់ចាន់ សាន់ក្លិបតាព្រហ្មមានជ័យដោយពិន្ទុ ។ការប្រកួតដែលមានតែ
៣ទឹកនោះណងសៅបានវាយសម្រុលើគូប្រកួតរបស់ខ្លួនដោយគ្មានញញើត ។ ណងសៅទោះបីពេលខ្លះគេវ៉ៃចេញ
ច្រើនដោយមិនសូវបានទទួលលទ្ធផលក៏ពិតមែនតែស្ថិតិនៃការវ៉ៃចេញច្រើនរបស់គេនេះចំគោដៅបានច្រើនជាងការវ៉ៃ
ចេញរបស់ចាន់ សាន់ ។
ជាមួយនឹងជ័យជំនះនេះនេះធ្វើឲ្យឡុង ណងសៅមានកៅអីសម្រាប់ការប្រកួតវគ្គពាក់កណ្ដាលផ្ដាច់ព្រ័ត្ររួច
ទៅហើយក្នុងខណៈដែចាន់ សាន់ត្រូវហាលអាវនោះ ។
ប្រកួតក្នុងព្រឹត្តិការណ៍នេះដែរអ្នកប្រដាល់ខេម ចាន់បានយកឈ្នះអ្នកប្រដាល់គីន ខ្លឹមមកពីក្លិបខេត្តកំពង់ស្ពឺ
ដោយពិន្ទុ ។
គីន ខ្លឹមបានធ្វើឲ្យគេវង្វេងវង្វាន់ដោយសារ តែការប្រកួត២លើដំបូងរបស់គេអ្នកប្រដាល់រូបនេះត្រូវគេឧទ្ទេស
នាមថាមកពីក្លិបទ័ពឆ័ត្រយោង៩១១ លុះមកជួបជាមួយអ្នកប្រដាល់ មកពីក្លិបទ័ពឆ័ត្រយោង៩១១អ្នកប្រដាល់គីន ខ្លឹម
បែរជាមកពីក្លិបខេត្តកំពង់ស្ពឺទៅវិញ ។
អាចជាការធ្វេសប្រហែសរបស់មន្ត្រីផ្គូរផ្គងទើបកើតរឿងបែបនេះ ។ទោះជាយ៉ាងណាក៏គីន ខ្លឹមខ្ទាតចេញពី
ការប្រកួតហើយ ចំបោះខេម ចាន់ត្រៀមខ្ឡួនឡើងប្រកួត បន្តនៅវគ្គពាក់កណ្ដាលផ្ដាច់ព្រ័ត្រ ។
ការប្រកួតជាមិត្តភាពរវាងអ្នកប្រដាល់កម្ពុជា និងថៃនោះអ្នកប្រដាល់កម្ពុជាគង់ សំបូរក្លិបអាចក្រប្រយុទ្ធគុន
ខ្មែរប្រកួតចាញ់អ្នកប្រដាល់ថៃពែក ធៀង(Pek Thieng)ដោយពិន្ទុដាច់តែម្ដង ។
ក្នុងការប្រកួត៥ទឹកនោះសំបូរមានកម្លាំងវ៉ៃបាន ល្អតែមួយទឹកកន្លះប៉ុណ្ណោះ៣ទឹកកន្លះចុងក្រោយគឺសំបូរសូត្រ
ធម៌បន់ស្រន់ឲ្យចប់ទឹកប៉ុណ្ណោះ ។ សំបូរដែលហ្វឹកហាត់ មិនគ្រប់គ្រាន់នោះត្រូវពែក ធៀងទាត់ដួលស្ទើរតែគ្រប់ទឹកមិន
តែប៉ុណ្ណោះនៅទឹកទី៤ និទឹកទី៥សំបូរត្រូវអាជ្ញាកណ្ដាលរាប់៨ទៀតផង ។
សំបូរតស៊ូរហូតដល់បញ្ចប់ទឹក៥ដែលនេះជាមោទនភាពមួយ គួរឲ្យសរសើរតែលើកក្រោយ ប្រសិនបើហ្វឹក
ហាត់មិនគ្រប់គ្រាន់មិនគួរមក បង្ខូចកេរ្តិ៍ឈ្មោះបែបនេះទេ ។