បង្ក្រាបទីតាំងបេីកល្បែងស៊ីសងភ្នាល់បាល់ តាមប្រព័ន្ធអ៉ីនធឺណិត នៅខណ្ឌឫស្សីកែវ
ភ្នំពេញ៖ កម្លាំងអធិការដ្ឋានសហការ គណៈបញ្ជាការឯកភាពខណ្ឌឫស្សីកែវ និងដោយមាន ការសម្របសម្រួល ពីព្រះរាជអាជ្ញារង តុប ឈុនឡុង បង្ក្រាបជាក់ស្តែង ផ្ទះបើកល្បែងសុីសង ភ្នាល់បាល់តាមអុីនធឺណិត ឃាត់ខ្លួនមនុស្សចំនួន៣នាក់ នៅថ្ងៃទី១ ខែមិថុនា ឆ្នាំ២០១៩ វេលាម៉ោងម៉ោង១៤នឹង៣០នាទី នៅចំណុចផ្ទះលេខ១០១៨ ផ្លូវជាតិលេខ៥ ក្រុម៥ ភូមិមិត្តភាព សសង្កាត់ឫស្សីកែវ។
លោកវរសេនីយ៍ទោ គល់ យី អធិការដ្ឋាននគរបាលខណ្ឌ បានអោយដឹងថា ជនសង្ស័យទី១-ឈ្មោះអន់ តុលា ភេទប្រុស អាយុ២៧ឆ្នាំ ស្នាក់នៅផ្ទះជួល នៅខណ្ឌសែនសុខ។(អ្នកលេង) ទី២-ឈ្មោះសារិទ្ធ រដ្ឋា ភេទប្រុស អាយុ២៧ឆ្នាំស្នាក់នៅផ្ទះជួល ភូមិកៀនឃ្លាំង សង្កាត់ជ្រោយចង្វា អ្នកលេង និងទី៣-ឈ្មោះពៅ សំអន ភេទស្រី អាយុ២១ឆ្នាំស្នាក់នៅឃុំវាលធំ ស្រុកល្វាឯម កណ្តាល(អ្នកចូលមើល)។
សម្ភារៈដកហូតរួមមាន៖ កុំព្យូទ័រ១២គ្រឿង,ទូរទស្សន៍១ គ្រឿង, ក្រដាស់ភ្នាល់បាល់១២សន្លឹក, ប្រាក់ដុល្លារ២០$, ប្រាក់រៀល២០មុឺនរៀល។
បច្ចុប្បន្នជនសង្ស័យឃាត់ខ្លួនបណ្តោះអាសន្ន នៅអធិការដ្ឋា ននគរបាលខណ្ឌ ដេីម្បីកសាងសំណុំរឿង ចាត់ការតាមនីតិវិធី ៕
