សមាគមតេក្វាន់ដូ WTរាជធានីភ្នំពេញ ប្រកួតជើងឯកអបអរសាទរទិវាកុមារអន្តរជាតិ

ភ្នំពេញ៖ ពេញមួយថ្ងៃទី១មិថុនា សមាគមតេក្វាន់ដូWT(World Taekwondo)រាជធានីភ្នំពេញបានធ្វើការប្រ កួតជ្រើសរើសជើងឯក លើកទី៥របស់ខ្លួន ដើម្បីអបអរសាទរខួមលើកទី៧០ ថ្ងៃទិវាកុមារអន្តរជាតិ ។
ការប្រកួតនេះមានក្លិបចំនួន១៥និងខេត្តចំនួន២ ចូលរួមគឺខេត្តកំពង់ចាម និងខេត្តបាត់ដំបងដែលមានកីឡាករ-កីឡាការិនីចូលរួមចំនួន១៤៧នាក់ ក្នុងនោះមាន៧០នាក់ជាកីឡាការិនី ។នេះជាការប្រកួត លើវិញ្ញាសាមេគុនសុទ្ធសាធ ដែលក្នុងនោះ មានវិញ្ញាសា ចំនួន១៤ត្រូវបានដាក់ឲ្យប្រកួតវិញ្ញសាទាំង១៤នោះ មានសម្រាប់ ប្រភេទអាយុពី៨ទៅ១១ឆ្នាំ កុមារា-កុមារីវិញ្ញាសា សម្រាប់ប្រភេទអាយុពី១២
ដល់១៦ឆ្នាំកុមារា-កុមារី ។អាយុពី១៧ឆ្នាំឡើងសម្រាប់បុរស-នារីដែល មានខ្សែក្រវាត់លឿង កម្រិតខ្សែក្រវាត់បៃតង បុរស-នារី កម្រិតខ្សែក្រវាត់ខៀវបុរស-នារី កម្រិតខ្សែក្រវាត់ពណ៌ត្នោតបុរស-នារី និង កម្រិតខ្សែក្រវាត់ពណ៌ក្រហមបុរស-នារី ។
លោកសំ សុខយីអគ្គលេខាធិការសមាគមតេក្វាន់ដូWTរាជធានីភ្នំពេញ បានឲ្យដឹងថាក្លិបតេក្វាន់ដូវ៉េសឡាញន៍ ដណ្ដើមបានមេដាយមាស លើសគេគឺបានចំនួន៦គ្រឿង គឺវ៉េសឡាញន៍ទួលទំពូង៣គ្រឿង វ៉េសឡាញន៍ព្រែកលាប ២ គ្រឿង និងវ៉េសឡាញន៍ដូនពេញ ១ គ្រឿង ។
ក្លិបតេក្វាន់ដូខេត្តបាត់ដំបង ដណ្ដើមបានមេដាយមាស៤គ្រឿង ក្លិបតេក្វាន់ដូបឹងត្របែកប្រជែងបានមេដាយ
មាសចំនួន២គ្រឿង និងវិទ្យាល័យហ៊ុន សែនពាមជីកងខេត្តបាត់ដំបង បានមេដាយមាស២គ្រឿងដែរ ។
លោកជ័យ ចាបប្រធានសមាគមតេក្វាន់ដូWTរាជធានីភ្នំពេញបាន អញ្ជើញចូលរួមក្នុងពិធីបិទការប្រកួត និងបំពាក់មេដាយដល់ជ័យលាភីទៀតផង ។