សិស្សអនុវិទ្យាល័យជាំក្សាន្ត ជួបគ្រោះថ្នាក់ចរាចរស្លាប់២នាក់ របួសម្នាក់

មានករណីគ្រោះថ្នាក់ចរាចរមួយដែលបង្កដោយសិស្សអនុវិទ្យាល័យជាំក្សាន្ត ០៣នាក់ ជិះម៉ូតូប៉ះគ្នាជាមួយឡាន បណ្តាលអោយ២នាក់ស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ ដែលហេតុការណ៍ បានកើតឡើងនៅចំណុចមុខផ្ទះសំណាក់ព្រះវិហារជ័យ ស្ថិតក្នុងស្រុកជាំក្សាន្ត ខេត្តព្រះវិហារនៅវេលាម៉ោង៤រសៀលថ្ងៃទី២២ ខែមិថុនា ឆ្នាំ២០១៩ ។

រថយន្តម៉ាកហ្វូត ស៊េរីទំនើប ពណ៌ស បានបើកបុកគ្នាជាមួយម៉ូតូម៉ាកហុងដា សេ១២៥ ពណ៌ខ្មៅ ពាក់ផ្លាកលេខ ព្រះវិហារ 1c 7555 ក្នុងទិសដៅបញ្ច្រាសគ្នាចំពីមុខពេញទំហឹង តែម្តងបណ្តាល អ្នកជិះម៉ូតូស្លាប់២នាក់ និងរបួសម្នាក់ ហើយត្រូវបញ្ជូនទៅមន្ទីរពេទ្យដើម្បីសង្រ្គោះ។

ជនរងគ្រោះទី១មានឈ្មោះ ប៊ុន លីកាណាក់ ភេទ ប្រុស អាយុ១៥ឆ្នាំ រស់នៅឃុំកន្ទួត ស្រុកជាំក្សាន្ត ខេត្តព្រះវិហារ របួស ទី២ ឈ្មោះចំរើន ណារុង ភេទប្រុស អាយុ១៥ឆ្នាំ រស់នៅឃុំទឹកក្រហម ស្រុកជាំក្សាន្តខេត្តព្រះវិហារ ស្លាប់ ទី៣ឈ្មោះ កែវ សារ៉ាត់ ភេទ ប្រុស អាយុ ១៥ឆ្នាំ រស់នៅឃុំជាំក្សាន្ត ស្រុកជាំក្សាន្ត ខេត្តព្រះវិហារ ស្លាប់។ ទាំងបីនាក់ជាសិស្សថ្នាក់ទី៨Dនៃអនុវិទ្យាល័យជាំក្សាន្ត ៕