គ្រឿងញៀនជិត២០០គីឡូ ត្រូវដុតបំផ្លាញ នៅស្ទឹងត្រែង
ស្ទឹងត្រែង៖ ក្នុងឱកាសទិវាអន្តរជាតិប្រយុទ្ធប្រឆាំងគ្រឿងញៀន នៅក្រុងខេត្តស្ទឹងត្រែង អាជ្ញាធរបានដុតបំផ្លាញវត្ថុតាងគ្រឿងញៀន ចំនួន ៥ខេត្ត (ស្ទឹងត្រែង រតនគិរី មណ្ឌលគិរី ព្រះវិហារ និង ក្រចេះ) សរុបរួម ជាង១៩៤គីឡូក្រាម។
នាថ្ងៃអង្គារ ១កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២ ខែកក្កដា ឆ្នាំ២០១៩ សាលាខេត្តស្ទឹងត្រែង បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន នៅក្រុងខេត្តស្ទឹងត្រែង ក្រោមអធិបតីភាពដ៏ខ្ពងខ្ពស់ លោក អង្គវង្ស វឌ្ឍនា រដ្ឋមន្ត្រីក្រសួងយុត្តិធម៌ លោក នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និងឥស្សរជនជាន់ខ្ពស់ជាច្រើនរូបទៀត ព្រមទាំងសមាជិក សមាជិកា អញ្ជើញចូលរួមមក ស្ថាប័ន អង្គភាពពាក់ព័ន្ធ ជាង ២៥០០នាក់។
បន្ទាប់ពីបញ្ចប់សុន្ទរកថា និងការមានមតិសំណេះសំណាល លោករដ្ឋមន្ត្រីក្រសួងយុត្តិធម៌ បានអញ្ជើញបង្ហោះសារអប់រំ ចងភ្ជាប់ប៉ោងៗ ជានិមិត្តរូប បានដុតបំផ្លាញវត្ថុតាងគ្រឿងញៀន ចំនួន ៥ខេត្ត (ស្ទឹងត្រែង រតនគិរី មណ្ឌលគិរី ព្រះវិហារ និង ក្រចេះ) សរុបរួម ១៩៤,៨៤គីឡូក្រាម ក្នុងនោះរួមមាន៖ មេតំហ្វេតាមីន (Ice) ចំនួន ១៧៩.៧២១,៨០ ក្រាម មេតំហ្វេតាមីន (WY) ចំនួន ៣.២១៥,៨ ក្រាម
កេតាមីន ចំនួន ១០.៨៩៩,៧ ក្រាម ៕
