រដ្ឋសភា អញ្ជើញ រដ្ឋមន្រ្តី ក្រសួងយុត្តិធម៌ មកឆ្លើយសំណួរ នៅថ្ងៃទី៤ ខែកក្កដា
ភ្នំពេញ៖ គណៈកម្មាធិការអចិន្រ្តៃយ៍នៃរដ្ឋសភា នៅព្រឹកថ្ងៃពុធ ២កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៣ ខែកក្កដា ឆ្នាំ២០១៩ វេលាម៉ោង ៩:០០នាទី បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា។
អង្គប្រជុំបានអនុម័ត កំណត់កាលបរិច្ឆេទ បន្តសម័យប្រជុំរដ្ឋសភា លើកទី២ នីតិកាលទី៦ នៅព្រឹកថ្ងៃព្រហស្បតិ៍ ទី៤ ខែកក្កដា ឆ្នាំ២០១៩ វេលាម៉ោង ៨:០០នាទី ដោយមានរបៀបវារៈ ការតាំង និងការឆ្លើយសំណួរ របស់ឯលោករដ្ឋមន្រ្តីក្រសួងយុត្តិធម៌៕
