យើងចូលរួមឲ្យតម្លៃលើកតម្កើងម្ហូបអាហារ និងនំចំណីខ្មែរឲ្យបានកាន់តែទូលំទូលាយ
ហ្សឺណែវ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងក្នុងហ្វេសប៊ុកនៅថ្ងៃទី៤កក្កដានេះ “ខ្ញុំពិតជារីករាយ ដែលនំបញ្ចុកខ្មែរ បានមកដល់ទីស្នាក់ការ អង្គការពាណិជ្ជកម្មពិភពលោក (World Trade Organization-WTO) កាលពីយប់មិញ នៅក្នុងកម្មវិធីសង្គម និងវប្បធម៌”។
សម្តេចតេជោ បានថ្លែងថា ដូចយើងដឹងហើយថា នំបញ្ចុក គឺជាអត្តសញ្ញាណនំរបស់ជាតិយើង ដែលបង្ហញ ពីសាមគ្គីភាពស្អិតល្មួត វេញត្របាញ់ចូលគ្នា ដូចជា ចង្វាយនំបញ្ចុក ដែលមានគ្រឿងផ្សំជាច្រើន នាំមកនូវក្លិនដ៏ឈ្ងុយ និងរសជាតិដ៏ឆ្ងាញ់ ពិសាដែលនាំមកនូវសុខភាពពិតៗ។
យើងចូលរួមឲ្យតម្លៃលើកតម្កើងម្ហូបអាហារ និងនំចំណីខ្មែរឲ្យបានកាន់តែទូលំទូលាយ នៅក្នុងពិធីសំខាន់ៗតូចធំទាំងក្នុង និងក្រៅប្រទេស។ សូមអរគុណ និងជូនពរ បងប្អូនជនរួមជាតិជួបតែសេចក្តីសុខ និងសំណាងល្អគ្រប់ទីកន្លែង៕
