ម្ចាស់ជាប់វល់ចុចទូរស័ព្ទបើកបររថយន្តលុចសុីស៤០០ ជ្រុលបុកបង្គោលភ្លើងរួញ អស់មួយកំណាត់មុខ

ភ្នំពេញ ៖ ស្រ្តីម្នាក់បើករថយន្តលុចសុីស៤០០ពណ៍សពាក់ស្លាកលេខភ្នំពេញ២AM-១៧៧៤ជ្រុលបុកបង្គោលភ្លើងជាប់បណ្ដាលរថយន្តខូចខាតផ្នែកខាងមុខហេតុការនេះកើតឡើង កាលវេលាម៉ោង០២និង៣០នាទីរសៀលថ្ងៃទី០៦ ខែ កក្ដដា ឆ្នាំ ២០១៩នៅចំណុចស្តុបបឹងកេងកង តាមផ្លូវនរោត្ដមកែងផ្លូវ៣៦០ស្ថិតនៅភូមិ៨ សង្កាត់បឹងកេងកងទី១ ខណ្ឌចំការមន ។

  សមត្ថកិច្ចបានអោយដឹងថាមានស្រ្តីម្នាក់បើករថយន្តលុចស៊ីស 400h ពណ៌ស ពាក់ស្លាកលេខ ភ្នំពេញ ២AN១៧៧៤ ដោយបានឈប់នៅចំហៀងភោជនីយដ្ឋានជប៉ុនមួយ ដោយរវល់ចុចទូរស័ព្ទ ក៏ច្រឡំហ្គា ស្មានថាជាន់ហ្វ្រាំងឈប់នោះ ស្រាប់ជ្រុលទៅបុកបង្គោលភ្លើងបណ្តាលអោយរថយន្តខ្ទេចផ្នែកខាងមុខ និងបង្គោលភ្លើងទ្រេតផងដែរ តែសំណាងល្អមិនមានអ្នកណារងរបួសរួមទាំងស្រ្តីអ្នកបើរថយន្ត។ក្រោយកើតហេតុស្រ្តីបើករថយន្តបង្កបានឡើងជិះរថយន្តមិត្តភ័ក្រ្តចេញពីកន្លែងកើតហេតិបន្សល់តែរថយន្តគៀបជាប់និងបង្គោលភ្លើងរួចក៏ប្រគល់អោយទៅការិយាល័យចរាចរណ៍ផ្លូវគោកវាស់វែងយករថយន្តបង្ករក្សាទុករងចាំធ្វើការសងថ្លៃខូចខាតជាក្រោយករណីគ្រោះថ្នាក់ខាងលើនេះមូលហេតុមកពីអ្នកបើកបរគ្មានការប្រុងប្រយ័ត្នបើកបរបណ្ដើរចុចទូរស័ព្ទបណ្ដើរ ៕