ច្រឡំថាគ្រូក្បាច់គុណល្បុក្កតោ ចូលមកសណ្ឋិត លេងអង្រែបុកគ្រឿងបែកក្បាលបុរសម្នាក់ដេរច្រេីនថ្នេរ
ច្រឡំថាគ្រូក្បាច់គុណល្បុក្កតោសម្ដែងឫែងឫទ្ធិចូលមកសណ្ឋិតលេងអង្រែបុកគ្រឿងបែកក្បាលបុរសម្នាក់ដេរច្រេីនថ្នេរត្រូវបាននគរបាលស្រុកសំរោងទងធ្វេីការឃាត់ខ្លួន ។
កម្លាំងនគរបាលព្រហ្មទណ្ឌស្រុកសំរោងទង សហការជាមួយកម្លាំងនគរបាលប៉ុស្តិ៍សំបូរបានធ្វេីការឃាត់ខ្លួនឈ្មោះ សឿន គ្រី ភេទប្រុស អាយុ ៥១ឆ្នាំ នៅភូមិថ្មគោល ឃុំសំបូរ ស្រុកសំរោងទង ខេត្តកំពង់ស្ពឺដោយបានប្រេីហិង្សា យកអង្រែបុកគ្រឿងឈើ វាយទៅលើឈ្មោះ នួន ផា ភេទប្រុស អាយុ ៥៧ឆ្នាំ នៅភូមិឃុំជាមួយគ្នា បណ្តាលអោយបែកក្បាលរបួសធ្ងន់ ដោយសារទំនាស់ពាក្យសម្តីបន្ដិចបន្ដួច កាលពីវេលាម៉ោង ៧.៣០នាទី នៅចំណុចតូបលក់ឥវ៉ាន់ក្នុងភូមិ។
ក្រោយទទួលបានបណ្ដឹងពីក្រុមជនរងគ្រោះនគរបានចុះស្រាវជ្រាវនិងឃាត់ខ្លួនដេីម្បីសាកសួរបំពេញនីតិវិធី ជនសង្ស័យបានឆ្លើយសារភាព ថាខ្លូនពិតជាបានវាយអង្រែបុកគ្រឿងវាយទៅលើជនរងគ្រោះ ពិតប្រាកដមែន ដោយសារតែជនរងគ្រោះឌឺដងអោយខ្លួនរឿងផ្ទាល់ខ្លួន។
បច្ចុប្បន្នជនសង្ស័យនិងវត្ថុតាង កំលាំងនគរបាលស្រុកបានបញ្ជូនមកការិយាល័យព្រហ្មទណ្ឌខេត្ដ កសាងសំណុំរឿងចាត់ការតាមនីតិវិធីច្បាប់៕
“ លេងច្រេីន ចំរើនរឿង ជេីងខ្លាំងជាប់គុក អ្នកខ្សោយចូលពេទ្យ ”
