រថយន្តដឹកទំនិញពីកំពតមកកោះកុង រអិលធ្លាក់ផ្លូវនៅចំណុច អន្ទង់អាំងធំ ស្រុកបូទុមសាគរ
កោះកុង៖ នៅវេលាម៉ោង៨នឹង១៥នាទីព្រឹកថ្ងៃទី១៥ ខែកក្កដា ឆ្នាំ២០១៩ មានករណីគ្រោះថ្នាក់ចរាចរណ៍កើតឡើង លើផ្លូវជាតិលេខ៤៨ ចន្លោះបង្គោលគីឡូម៉ែត្រលេខ៦១-៦២ នៅចំណុចអន្ទង់អាំធំស្ថិតក្នុងភូមិ ជីមាល ឃុំអណ្តូងទឹក ស្រុកបូទុមសាគរ បង្ករដោយ រថយន្តដឹកទំនិញ រអិលធ្លាក់ផ្លូវ។
រថយន្តដឹកទំនិញមួយគ្រឿង (Hyundai) ពណ៌ស ពាក់ស្លាកលេខ ព្រះសីហនុ ៣A-៤០០០ បើកបរដោយឈ្មោះ ប៉ិច រដ្ឋមុន្នី ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅ ក្រុងខេមរភូមិន្ទ ខេត្តកោះកុង បើកបរក្នុងទិសដៅពីខេត្តកំពត មកខេត្តកោះកុង បានរអិលធ្លាក់ផ្លូវ នៅចំណុចកើតហេតុខាងលើ បណ្តាលឲ្យរងរបួសស្រាល ដោយបានបើកបុកនឹងរនាំងសុវត្តិភាពដងផ្លូវខូចខាតចំនួន ០៤ផ្ទាំង។
មូលរហតុ៖មេឃភ្លៀងរអិល ជាន់ហ្វ្រាំងពុំស៊ី។ បច្ចុប្បន្នសមត្ថកិច្ចយើង បានចុះជួយសង្គ្រោះ ជនរងគ្រោះ និងសំរួលសណ្តាប់ធ្នាប់ នៅកន្លែងកើតហេតុ៕
