នគរបាលបង្រ្កាបការជួញដូរនិង ចែកចាយគ្រឿងញៀន ក្នុងក្រុងសិរីសោភ័ណ ចំនួន 1គីឡូ4 ខាំ

បន្ទាយមានជ័យ៖ លោកអាត់ ខែម ស្នងការនគរបាលខេត្តបន្ទាយមានជ័យ បានថ្លែងលើហ្វេសប៊ុកផ្លូវការថា បំផ្លាញករណី ជួញដូរនិងចែកចាយគ្រឿងញៀន ក្នុងក្រុងសិរីសោភ័ណ ចំនួន 1គីឡូ4 ខាំ ដោយកម្លាំងនគរបាលខេត្ត ជំនាញប្រយុទ្ធប្រឆាំងគ្រឿងញៀនខេត្ត ។

កម្លាំងគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ សហការជាមួយកម្លាំងនគរបាលក្រុងសិរីសោភ័ណ បង្រាបចាប់ខ្លួននារីវ័យក្មេង២នាក់ ពាក់ព័ន្ធករណីជួញដូរគ្រឿងញៀនជាង១,៤គីឡូក្រាម កាលពីម៉ោង១១និង១៥នាទីព្រឹក ថ្ងៃទី១៤ ខែកក្កដា ឆ្នាំ២១៩នៅចំណុចភូមិកំពង់ស្វាយ សង្កាត់កំពង់ស្វាយក្រុងសិរីសោភ័ណ។ ជនសង្ស័យ២នាក់ ឈ្មោះ សៀប ម៉ាយ៉ា អាយុ ២០ ឆ្នាំ ជនជាតិខ្មែរអ៊ិស្លាម ស្នាក់នៅភូមិនិងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ មុខរបរលក់ខោអាវ ។ ឈ្មោះ លាង ឧសភា អាយុ២៦ឆ្នាំ ជនជាតិខ្មែរ ស្នាក់នៅអគារកាសុីណូ ហូលីដេ ភូមិក្បាកស្ពាន សង្កាត់/ក្រុងប៉ោយប៉ែត មុខរបរបុគ្គលិកកាសុីណូ ។
លោកស្នងការ បានថ្លែងថា វត្ថុតាងគ្រឿងញៀន ដែលដកហូតបាន រួមមានម្សៅក្រាមចំនួន១៩ ថង់តូច និង១ថង់ធំ ថ្នាំគ្រាប់អុិកស្តាសុី ១៥គ្រាប់ កូនដបដែលមានវត្ថុរាវនៅក្នុងដបចំនួន៧ដប សម្បកថង់ប្លាស្ទិក និងឧបករណ៍ប្រេីប្រាស់ថ្នាំញៀនមួយចំនួន សរុប១,៤គីឡូក្រាម៕