បង្រ្កាបករណីគ្រឿងញៀន ឃាត់ខ្លួនមុខសញ្ញាសង្ស័យ ២នាក់ដកហូតបានវត្ថុតាងគ្រឿងញៀនមួយចំនួន
កំពង់ស្ពឺ ÷ កំលាំងនគរបាលអធិការដ្ឋាននគរបាលស្រុកឧដុង្គ បង្រ្កាបករណីជួញដូរគ្រឿងញៀនឃាត់ខ្លួន មុខសញ្ញាសង្ស័យ ២នាក់ កាលពីថ្ងៃអង្គារ៍ ទី១៦ ខែកក្តដា ឆ្នាំ២០១៩ វេលាម៉ោង១៤ និង៣០នាទី នៅចំនុចភូមិវត្តក្តី ឃុំវាលពង់ ស្រុកឧដុង្គ ១.ឈ្មោះ ខុម ផាន ហៅជ័យ ភេទប្រុស អាយុ២៣ឆ្នាំ រស់នៅភូមិឃុំកើតហេតុខាងលើ ២.ឈ្មោះ ពែក រដ្ឋា ភេទប្រុស អាយុ១៨ឆ្នាំ រស់នៅភូមិថ្មី ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។
តាមការបញ្ជាក់ពីលោកវរសេនីយ៍ឯក ខឹម សាម៉ុន អធិការស្រុក ឲ្យដឹងថាមុខសញ្ញាសង្ស័យខាងលេីគឺកំលាំងនគរបាលបានតាមដានស្រាវជ្រាវជាយូរមកហេីយ ដោយមានព័ត៌មានជាក់លាក់ និងបានការចង្អុលណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ត និងបានការសម្របសម្រួលនីតិវិធីព្រះរាជអាជ្ញា អយ្យការអមសាលាដំបូងខេត្ដកំពង់ស្ពឺ កំលាំងនគរបាលបានប្រតិបត្ដិការជាក់ស្តែងនិងដកហូតបានវត្ថុតាងដកបាន ÷
ម្សៅក្រាមពណ៌សសង្ស័យជាគ្រឿងញៀនចំនួន ០៣ កញ្ចប់ធំ , ទូរសព្ទ័ ០២គ្រឿង ,ជញ្ជីងអេឡិចត្រូនិកសំរាប់ថ្លឹងគ្រឿងញៀនចំនួន ០១គ្រឿង។
បច្ចុប្បន្នមុខសញ្ញាសង្ស័យរួមជាមួយវត្ថុតាងស្រុកបានបញ្ជូនទៅការិយាល័យជំនាញខេត្ដ កសាងសំណុំរឿងបញ្ជូនទៅតុលាការ ដេីម្បីចាត់ការតាមនីតិវិធី៕